ബെംഗളൂരു : എയർ ഇന്ത്യ ലണ്ടൻ-ബെംഗളൂരു ഡ്രീംലൈനർ വിമാനം യാത്ര റദ്ദാക്കി. ഇന്ധന സ്വിച്ചിന് തകരാറുണ്ടെന്ന പൈലറ്റിന്റെ റിപ്പോർട്ടിനെ തുടർന്നാണ് വിമാനം റദ്ദാക്കിയത്. അഹമ്മദാബാദ് വിമാനാപകടത്തിന് കാരണമായിരുന്നത് ഇന്ധന സ്വിച്ച് തകരാറാണ്. എയർ ഇന്ത്യയുടെ ബോയിംഗ് 787 ഡ്രീംലൈനർ വിമാനത്തിലാണ് തകരാറുള്ളതായി സംശയമുള്ളത്.
ഇന്ധന സ്വിച്ച് തകരാറെന്ന സംശയത്തെ തുടർന്ന് ഇന്ന് അടിയന്തരമായി റദ്ദാക്കിയ വിമാനത്തിൽ 200-ലധികം യാത്രക്കാരായിരുന്നു ഉണ്ടായിരുന്നത്. പൈലറ്റിന്റെ ആശങ്കകൾ മുൻഗണനാടിസ്ഥാനത്തിൽ അന്വേഷിക്കാൻ വിദഗ്ധരുടെ സഹായം തേടിയതായി എയർ ഇന്ത്യ പറഞ്ഞു. ഇക്കാര്യം വ്യോമയാന റെഗുലേറ്ററായ ഡി.ജി.സി.എ.യെ അറിയിച്ചിട്ടുണ്ട് എന്നും യാത്രക്കാരുടെ സുരക്ഷയ്ക്കാണ് എയർ ഇന്ത്യ പ്രഥമ പരിഗണന നൽകുന്നത് എന്നും എയർലൈൻ വ്യക്തമാക്കി.
Discussion about this post