ന്യൂഡൽഹി : പ്രതിപക്ഷ നേതാവ് രാഹുൽ ഗാന്ധിക്കെതിരെ രൂക്ഷ വിമർശനവുമായി കേന്ദ്ര ആഭ്യന്തരമന്ത്രി അമിത് ഷാ. നുണ പറയുക, അത് ഉച്ചത്തിൽ പറയുക, നുണ വീണ്ടും വീണ്ടും ആവർത്തിക്കുക എന്നുള്ളത് മാത്രമാണ് രാഹുൽ ഗാന്ധിയുടെ നയം എന്ന് അമിത് ഷാ സൂചിപ്പിച്ചു. രാഹുലിനുള്ള മറുപടി 2029ൽ ലഭിക്കുമെന്നും അദ്ദേഹം വ്യക്തമാക്കി.
യുഎസുമായുള്ള വ്യാപാര കരാറിൽ പ്രധാനമന്ത്രി മോദി കർഷകരുടെയും മത്സ്യത്തൊഴിലാളികളുടെയും താൽപ്പര്യങ്ങൾ 100% സംരക്ഷിച്ചുവെന്ന് അമിത് ഷാ സൂചിപ്പിച്ചു. എന്നാൽ രാഹുൽ ഗാന്ധി ഈ വിഷയത്തിൽ നുണകൾ പ്രചരിപ്പിച്ച് പൊതുജനങ്ങളെ തെറ്റിദ്ധരിപ്പിക്കുകയാണെന്നും അദ്ദേഹം വ്യക്തമാക്കി. രാഹുൽ ഗാന്ധി ഇപ്പോൾ എല്ലാ ദിവസവും നുണ പറയുന്ന ഒരു പുതിയ പ്രവണതയ്ക്ക് തുടക്കമിട്ടിരിക്കുകയാണ്. എന്നാൽ ഇപ്പോൾ ആളുകൾ നിങ്ങളുടെ നുണ ഫാക്ടറി തിരിച്ചറിഞ്ഞു. രാഹുലിനും കോൺഗ്രസിനുമുള്ള മറുപടി ജനങ്ങൾ 2029 ലെ പൊതു തിരഞ്ഞെടുപ്പിൽ നൽകും എന്നും അമിത് ഷാ അറിയിച്ചു.
Discussion about this post