ടി20 ലോകകപ്പ് 2026-ൽ റൺവേട്ടയിൽ വിസ്മയം തീർത്ത് ഇഷാൻ കിഷൻ മുന്നേറുകയാണ്. തുടർച്ചയായ മൂന്ന് മത്സരങ്ങളിൽ മികച്ച പ്രകടനം പുറത്തെടുത്ത താരം ഇന്ത്യയുടെ ബാറ്റിംഗ് കരുത്തായി മാറിയിരിക്കുന്നു. യൂണിവേഴ്സൽ ബോസ് ശൈലിയിൽ തകർത്തടിക്കുന്ന ഇഷാൻ കിഷൻ, ഈ ലോകകപ്പിലെ ഇന്ത്യയുടെ ഏറ്റവും വിശ്വസ്തനായ ബാറ്റ്സ്മാനായി മാറിയിരിക്കുകയാണ്.
പാകിസ്ഥാനെതിരായ ഹൈ-വോൾട്ടേജ് പോരാട്ടത്തിൽ 40 പന്തിൽ 77 റൺസ് നേടിയതോടെ താരം ടൂർണമെന്റിലെ ടോപ്പ് സ്കോറർ പട്ടികയിലേക്കും ഉയർന്നു. യുഎസ്എക്കെതിരെ നടന്ന ആദ്യ പോരിൽ തുടക്കത്തിൽ 16 പന്തിൽ 20 റൺസ് നേടി മികച്ച അടിത്തറയിട്ടു.
പിന്നെ നമീബിയക്കെതിരെ 24 പന്തിൽ 61 റൺസ് അടിച്ചുകൂട്ടി വെടിക്കെട്ട് പ്രകടനം പുറത്തെടുത്തു. ശേഷം ഇന്ന്പാ കിസ്ഥാനെതിരെ സമ്മർദ്ദഘട്ടത്തിൽ 40 പന്തിൽ 77 റൺസ് നേടി ഇന്ത്യയെ ഭദ്രമായ നിലയിലെത്തിച്ചു. മത്സരത്തിന്റെ തുടക്കത്തിൽ അഭിഷേക് ശർമ്മയെ നഷ്ടമായെങ്കിലും ഒരറ്റത്ത് ഇഷാൻ ഉറച്ചുനിന്നു. പാകിസ്ഥാൻ ബോളർമാരെ തുടർച്ചയായ സിക്സറുകളിലൂടെ നേരിട്ട ഇഷാൻ, പവർപ്ലേ ഓവറുകളിൽ തന്നെ ഇന്ത്യയുടെ സ്കോർ ഉയർത്തി.
