ക്രിക്കറ്റ് ലോകത്ത് തങ്ങൾക്ക് പകരം വെക്കാൻ മറ്റാരുമില്ലെന്ന് ഒരിക്കൽ കൂടി തെളിയിച്ച് റോയൽ ചലഞ്ചേഴ്സ് ബെംഗളൂരു (RCB). ഐപിഎൽ 2026 സീസണിൽ ഡിജിറ്റൽ വ്യൂവർഷിപ്പിൽ വിപ്ലവം സൃഷ്ടിച്ചിരിക്കുകയാണ് ആർസിബി മത്സരങ്ങൾ. ഇത്തവണ ജിയോ ഹോട്ട്സ്റ്റാറിൽ (JioHotstar) 400 മില്യൺ (40 കോടി) വ്യൂവർഷിപ്പ് കടന്നത് ആർസിബി കളിച്ച രണ്ട് മത്സരങ്ങൾ മാത്രമാണ്. വിരാട് കോഹ്ലി എന്ന ബ്രാൻഡിന്റെയും ആർസിബി എന്ന ടീമിന്റേയും ജനപ്രീതി എത്രത്തോളമുണ്ടെന്ന് ഈ കണക്കുകൾ വ്യക്തമാക്കുന്നു.
RCB vs SRH: സൺറൈസേഴ്സ് ഹൈദരാബാദിനെതിരായ പോരാട്ടം 400 മില്യണിലധികം ആളുകളാണ് ഓൺലൈനായി കണ്ടത്. റൺമഴ പെയ്ത ഈ മത്സരത്തിലെ കോഹ്ലിയുടെ ബാറ്റിംഗ് കാണാൻ ആരാധകർ ഇരച്ചെത്തി.
RCB vs RR: രാജസ്ഥാൻ റോയൽസിനെതിരായ മത്സരവും 400 മില്യൺ എന്ന മാന്ത്രിക സംഖ്യ കടന്നു. വൈഭവ് സൂര്യവംശിയും വിരാട് കോഹ്ലിയും നേർക്കുനേർ വന്ന പോരാട്ടം എന്ന നിലയിലാണ് ഈ മത്സരം ഇത്രയധികം ശ്രദ്ധിക്കപ്പെട്ടത്.
മറ്റ് ടീമുകളുടെ മത്സരങ്ങൾക്ക് ലഭിക്കുന്ന ശരാശരി വ്യൂവർഷിപ്പിനേക്കാൾ ബഹുദൂരം മുന്നിലാണ് ആർസിബി. വിരാട് കോഹ്ലി ക്രീസിലുള്ളപ്പോൾ വ്യൂവർഷിപ്പ് ഗ്രാഫ് കുത്തനെ ഉയരുന്നതായാണ് കണക്കുകൾ സൂചിപ്പിക്കുന്നത്. വ്യൂവർഷിപ്പ് കാര്യത്തിൽ വിരാടിനെ കൂടാതെ ജനത്തെ പിടിച്ചിരുത്താൻ കഴിവുള്ള ധോണി സീസണിൽ ഇതുവരെ കളിച്ചിട്ടില്ല. അദ്ദേഹം ചെന്നൈ ജേഴ്സി കളത്തത്തിലെത്തിയാൽ ഈ കണക്കുകൾക്ക് ഒപ്പം എന്ന് തന്നെ എത്തും എന്ന് പറയാം. എന്തായാലും ക്രിക്കറ്റ് മൈതാനത്തിന് പുറത്തും ഡിജിറ്റൽ പ്ലാറ്റ്ഫോമുകളിലും കോഹ്ലിയുടെയും ആർസിബിയുടെയും ആധിപത്യം തുടരുകയാണ്.
ഐപിഎൽ ഡിജിറ്റൽ സംപ്രേക്ഷണം തുടങ്ങിയ ശേഷം ഇത്രയധികം ആളുകൾ ഒരേസമയം ഒരു പ്ലാറ്റ്ഫോമിൽ എത്തുന്നത് ഇതാദ്യമായാണ്. ടിവി കാണുന്നവരേക്കാൾ കൂടുതൽ ആളുകൾ ഇപ്പോൾ മൊബൈലിലൂടെയും ടാബിലൂടെയും കളി കാണുന്നു എന്നതിന്റെ തെളിവുകൂടിയാണിത്.
