കേരളമാകെ യുഡിഎഫ് തരംഗം ആഞ്ഞടിച്ചപ്പോഴും തൃശ്ശൂരിലെ മണലൂർ മണ്ഡലത്തിൽ യുഡിഎഫ് ദയനീയമായി പരാജയപ്പെട്ടു. യുഡിഎഫ് സ്ഥാനാർത്ഥിയായ ടി എൻ പ്രതാപനെ തോൽപ്പിച്ചുകൊണ്ട് എൽഡിഎഫ് സ്ഥാനാർത്ഥി പ്രൊഫ. സി രവീന്ദ്രനാഥ് ആണ് മണലൂരിൽ വിജയിച്ചത്. മുൻ വിദ്യാഭ്യാസ മന്ത്രി കൂടിയായ സി. രവീന്ദ്രനാഥ്, കെപിസിസി വര്‍ക്കിങ്ങ് പ്രസിഡന്‍റ് ടി എന്‍ പ്രതാപന്, ബിജെപിയില്‍ നിന്ന് മുന്‍ തൃശ്ശൂര്‍ ജില്ലാ പ്രസിഡന്‍റ് കെ കെ അനീഷ് കുമാര്‍ എന്നിവരായിരുന്നു മണലൂരിൽ ശക്തമായ മത്സരം കാഴ്ചവച്ചത്.
മണലൂർ മണ്ഡലത്തിൽ കോൺഗ്രസിന് ഉജ്ജ്വലമായ തിരിച്ചുവരവ് ഉണ്ടാകും എന്നായിരുന്നു കഴിഞ്ഞദിവസം ടി എൻ പ്രതാപൻ ആത്മവിശ്വാസം പ്രകടിപ്പിച്ചിരുന്നത്. വോട്ടെണ്ണലിന്റെ ആദ്യഘട്ടങ്ങളിൽ ടി എൻ പ്രതാപൻ ലീഡ് ചെയ്തിരുന്നെങ്കിലും പിന്നീട് സി രവീന്ദ്രനാഥ് മുന്നേറുകയായിരുന്നു.
