കൊച്ചി: സ്വര്‍ണ കടത്ത് കേസിലെ പ്രതികള്‍ തനിക്ക് 25 ലക്ഷം രൂപ കൈക്കൂലി വാഗ്ദാനം ചെയ്തതായി ഹൈക്കോടതി ജഡ്ജി കെ.ടി.ശങ്കരന്‍. കേസ് രാവിലെ ഹൈക്കോടതിയുടെ പരിഗണനയ്ക്ക് വന്നപ്പോഴാണ് തുറന്ന കോടതിയില്‍ ജഡ്ജി കൈക്കൂലി വാഗ്ദാനം വെളിപ്പെടുത്തിയത്. ഇതിനെ തുടര്‍ന്ന് കേസ് ഒഴിയുകയാണെന്ന് ജഡ്ജി കോടതിയെ അറിയിച്ചു. ജസ്റ്റീസുമാരായ കെ.ടി.ശങ്കരന്‍, ഹരിപ്രസാദ് എന്നിവരടങ്ങിയ ബെഞ്ചാണ് കേസ് പരിഗണിച്ചിരുന്നത്.നെടുമ്പാശേരി അന്താരാഷ്ട്ര വിമാനത്താവളത്തിലെ എമിഗ്രേഷന്‍ വിഭാഗത്തില്‍ ജോലി ചെയ്തിരുന്ന മൂവാറ്റുപുഴ സ്വദേശി ജാഫറും കുടുംബവും ഉള്‍പ്പടെ എട്ട് പ്രതികളുള്ള സ്വര്‍ണ കടത്ത് കേസാണിത്. പ്രതികള്‍ കോഫേപാസ പ്രകാരം ഒരു വര്‍ഷമായി ജയിലിലാണ്.
കേസില്‍ അനുകൂല വിധിയുണ്ടാകാന്‍ ആദ്യ 25 ലക്ഷം രൂപയും വിധിവന്ന ശേഷം ചോദിക്കുന്ന പണവും നല്‍കാമെന്നാണ് പ്രതികള്‍ വാഗ്ദാനം ചെയ്തതെന്ന് ജഡ്ജി പറഞ്ഞു. മൂവാറ്റുപുഴ സ്വദേശികളാണ് കേസിലെ പ്രതികള്‍. നെടുമ്പാശേരി അന്താരാഷ്ട്ര വിമാനത്താവളത്തിലെ എമിഗ്രേഷന്‍ വിഭാഗത്തില്‍ ജോലി ചെയ്തിരുന്ന മൂവാറ്റുപുഴ സ്വദേശി ജാഫറും കുടുംബവും ഉള്‍പ്പടെ എട്ട് പ്രതികളാണ് കേസില്‍ ഉള്‍പ്പെട്ടിരിക്കുന്നത്. ദുബായിയില്‍ നിന്ന് പലതവണയായി 800 കിലോയിലധികം സ്വര്‍ണം കേരളത്തിലേയ്ക്ക് കടത്തി എന്നതാണ് കേസ്.
Discussion about this post