ബംഗാള്‍ മുഖ്യമന്ത്രി മമതാബാനര്‍ജിക്കെതിരെ പ്രസ്താവന നടത്തിയ ബംഗാളിലെ ബിജെപി അധ്യക്ഷന്‍ ദിലീപ് ഘോഷിനെതിരെ മുസ്സിം പുരോഹിതന്റെ ഫത് വ. മമതാ ബാനര്‍ജിയുടെ മുടിക്കുത്തിന് പിടിച്ച് പുറത്താക്കാമായിരുന്നു എന്ന് പ്രസ്താവന നടത്തിയ ദിലീപ് ഘോഷിനെതിരെ സുല്‍ത്താന്‍ മുസ്ലിം പള്ളിയിലെ ഷാഹി ഇമാം മൗലാന നൂറുര്‍ റഹ്മാന്‍ ബര്‍കതിയാണ് ഫത്വ പുറപ്പെടുവിച്ചിരിക്കുന്നത്.
ദിലീപ് ഘോഷിനെ കല്ലെറിഞ്ഞു ബംഗാളില്‍ നിന്നും ഓടിക്കണമെന്നാണ് ഫത്വയില്‍ ആഹ്വാനം ചെയ്യുന്നു. എന്നാല്‍ ഫത്വ ഇറക്കുമ്പോള്‍ ഓടിപ്പോകാന്‍ ഇതു ബംഗ്ലാദേശോ പാക്കിസ്ഥാനോ അല്ലെന്ന് ദിലീപ് പറഞ്ഞു. മൗലാന നൂറുര്‍ റഹ്മാന്‍ ബര്‍ക്തി പാക്കിസ്ഥാനിലേക്കോ ബംഗ്ലാദേശിലേക്കോ പോകുമെന്നാണ് തനിക്കു തോന്നുന്നതെന്നും അദ്ദേഹം കൂട്ടിച്ചേര്‍ത്തു.
ഷാഹി ഇമാം മൗലാന നൂറുര്‍ റഹ്മാന്‍ ബര്‍കതി മമതാ ബാനര്‍ജിയുമായി അടുത്ത ബന്ധം പുലര്‍ത്തുന്ന മുസ്ലിം പുരോഹിതരില്‍ പ്രമുഖനാണ്.
Discussion about this post