മുംബൈ: സച്ചിൻ ടെൻഡുൽക്കർ എന്ന ഇതിഹാസതാരം ക്രിക്കറ്റ് ചരിത്രത്തിൽ രചിച്ച റെക്കോർഡുകൾക്ക് കണക്കില്ല.അവയിൽ പലതും ഇന്ന് യുവതാരങ്ങൾ തിരുത്തിയെഴുതുന്നുണ്ടെങ്കിലും ക്രിക്കറ്റ് എന്നാൽ സച്ചിൻ എന്നതിന് മാറ്റമൊന്നും വന്നിട്ടില്ല. ‘ക്രിക്കറ്റ് ഒരു മതമാണെങ്കിൽ സച്ചിൻ ദൈവമാണ്’ എന്ന് ഇതിഹാസതാരത്തെ കുറിച്ചുള്ള പുസ്തകത്തിന് വിജയ സന്താനവും ശ്യാം ബാലസുബ്രഹ്മണ്യവും പേരിട്ടത് വെറുതയല്ല.
ഇന്ന് മാർച്ച് 22, ഇതേ ദിവസം 1998 ൽ ഷാർജയിൽ നടന്ന ഓസ്ട്രേലിയയ്ക്കെതിരായ ഇന്ത്യയുടെ മത്സരത്തിൽ സച്ചിന്റെ മറ്റൊരു മാജിക് ആരാധകർ കണ്ണുചിമ്മാതെ കണ്ടദിനം ഏകദിനത്തിലെ ഏറ്റവും മികച്ച ഇന്നിംഗ്സുകളിലൊന്ന് പിറന്ന ദിവസം.
ഡെസേർട്ട് സ്റ്റോം’ എന്ന പേരിൽ പിന്നീട് പ്രശസ്തമായ സച്ചിൻറെ സെഞ്ചുറി. മരുഭൂമിയിലെ കൊടുങ്കാറ്റിന് 25 വർഷം പൂർത്തിയാവുമ്പോൾ ആരാധകർക്കൊപ്പം പ്രത്യേക കേക്ക് മുറിച്ചാണ് ബാറ്റിംഗ് ഇതിഹാസം അത് ആഘോഷിച്ചത്. സച്ചിൻറെ 50ാം പിറന്നാളാണ് മറ്റന്നാൾ. അതിന് മുന്നോടിയായാണ് കേക്ക് മുറിച്ച് ആഘോഷിച്ചത്. ഡേസേർട്ട് സ്റ്റോമിന്റെ തീം കേക്കാണ് സച്ചിൻ ആരാധകർക്കൊപ്പം ചേർന്ന് മുറിച്ചത്.
Discussion about this post