തൃശ്ശൂർ: ദിവ്യാംഗരായ വിദ്യാർത്ഥികൾക്കും അവരുടെ രക്ഷിതാക്കൾക്കുമായി ജില്ലയിൽ നാളെ (ഞായറാഴ്ച) ഏകദിനശിൽപ്പശാല. മനുഷ്യാവകാശ സംരക്ഷണ ഫോറം സംസ്ഥാന കമ്മിറ്റിയുടെ നേതൃത്വത്തിലാണ് ശിൽപ്പശാല നടക്കുന്നത്. തൃശ്ശൂർ ജില്ലാ കളക്ടർ കൃഷ്ണതേജ ഐഎഎസ് പരിപാടി ഉദ്ഘാടനം ചെയ്യും.
ഞായറാഴ്ച രാവിലെ 9 മണിക്ക് തൃശൂർ പൂങ്കുന്നം ഗവ. ഹയർ സെക്കന്ററി സ്‌കൂൾ ഹാളിൽവച്ചാണ് പരിപാടി. മനുഷ്യാവകാശ സംരക്ഷണ ഫോറം സംസ്ഥാന അദ്ധ്യക്ഷൻ മനീഷ് നാരായണൻ അദ്ധ്യക്ഷത വഹിക്കും. കേരള കോൺഗ്രസ് ജില്ലാ പ്രസിഡണ്ട് സി വി കുര്യാക്കോസ്, അഡ്വക്കേറ്റ് ജിനചന്ദ്രൻ, പ്രമോദ്.യു, പി എസ് അനുരൂപ്, വിനോദ് പൂങ്കുന്നം മുതലായ നേതാക്കൾ പരിപാടിയിൽ പങ്കെടുക്കും.
