മനാമ : ബഹ്‌റൈനിൽ സ്ഫോടനം നടന്നതായി റിപ്പോർട്ട്. ഇറാൻ വ്യോമാക്രമണം നടത്തിയതായാണ് റിപ്പോർട്ടുകൾ സൂചിപ്പിക്കുന്നത്. ഗൾഫ് രാഷ്ട്രമാകെ മുന്നറിയിപ്പ് സൈറണുകൾ മുഴങ്ങി ജനങ്ങളോട് ഷെൽട്ടറുകളിലേക്ക് സുരക്ഷിതരായി മാറാനും ഭരണകൂടം നിർദ്ദേശിച്ചിട്ടുണ്ട്. ബഹ്‌റൈനിലെ യുഎസ് വ്യോമത്താവളം ലക്ഷ്യമിട്ട് ഇറാൻ കൂടുതൽ ആക്രമണങ്ങൾ നടത്തിയേക്കും എന്നാണ് സൂചന.
രാജ്യ തലസ്ഥാനമായ മനാമയിൽ സ്ഫോടന ശബ്ദങ്ങൾ കേട്ടതായി ബഹറിനിലെ മാധ്യമങ്ങൾ റിപ്പോർട്ട് ചെയ്തു. തങ്ങൾക്കെതിരെ ആക്രമണമുണ്ടായാൽ യുഎസ് താവളങ്ങൾ സ്ഥിതിചെയ്യുന്ന രാജ്യങ്ങൾക്കെതിരെ പ്രതികാരം ചെയ്യുമെന്ന് ഇറാൻ മുമ്പ് ഭീഷണിപ്പെടുത്തിയിരുന്നു. നിലവിൽ നടന്ന സ്ഫോടനത്തിൽ
ആളപായമോ നാശനഷ്ടങ്ങളോ സംബന്ധിച്ച വിവരങ്ങൾ പുറത്തുവന്നിട്ടില്ല.
