ഇറാൻ പരമോന്നത നേതാവ് അയത്തൊള്ള അലി ഖമേനിയുടെ മരണവാർത്തപുറത്തുവന്നതിന് പിന്നാലെ, ലോകമെമ്പാടുമുള്ള ഇറാൻ വിരുദ്ധ പ്രക്ഷോഭകർആഹ്ലാദപ്രകടനങ്ങളുമായി തെരുവിലിറങ്ങി. ഇതിനിടയിൽ ഏറെ ശ്രദ്ധേയമാകുന്നത് ഖമേനിയുടെകടുത്ത വിരോധിയായ ഒരു ഇറാനിയൻ അഭയാർത്ഥി യുവതിയുടെ പ്രതികരണമാണ്. മുൻപ്ഖമേനിയുടെ ചിത്രം കത്തിച്ച് അതിൽ നിന്നും സിഗരറ്റ് കൊളുത്തുന്ന വീഡിയോ പങ്കുവെച്ച്ആഗോളതലത്തിൽ ശ്രദ്ധ നേടിയ ‘മോർട്ടിഷ്യ ആഡംസ്’ എന്ന തൂലികാനാമത്തിൽ അറിയപ്പെടുന്നയുവതിയാണ് ഇപ്പോൾ കാനഡയിലെ തെരുവുകളിൽ ആഹ്ലാദപ്രകടനം നടത്തുന്നത്.
“നിന്റെ കല്ലറയ്ക്ക് മുകളിൽ ഞങ്ങൾ നൃത്തം ചെയ്യുമെന്ന് ഞാൻ പറഞ്ഞിരുന്നില്ലേ?” എന്നകുറിപ്പോടെ കാനഡയിലെ ടൊറന്റോയിൽ നടന്ന ഇറാൻ വിരുദ്ധ റാലിക്കിടെയുള്ള വീഡിയോ ഇവർഎക്സിൽ (X) പങ്കുവെച്ചു. അമേരിക്കൻ പ്രസിഡന്റ് ഡൊണാൾഡ് ട്രംപിന്റെ വാക്കുകൾകടമെടുത്തുകൊണ്ട്, “ഒരു എലിയെപ്പോലെയാണ് അവൻ ചത്തൊടുങ്ങിയത്” എന്നും യുവതിപരിഹസിച്ചു. ഖമേനിയുടെ ‘ദയനീയമായ അന്ത്യത്തിന്’ താൻ ചിയേഴ്സ് നേരുന്നുവെന്നും ഇവർകുറിച്ചു.
മുൻപ് ഖമേനിയുടെ ചിത്രം എരിയുന്ന തീയിൽ നിന്ന് സിഗരറ്റ് കൊളുത്തുന്ന ഇവരുടെ വീഡിയോഇറാനിലെ ഹിജാബ് വിരുദ്ധ പ്രക്ഷോഭങ്ങളുടെയും ഭരണകൂട വിരുദ്ധ പോരാട്ടങ്ങളുടെയുംപ്രതീകമായി മാറിയിരുന്നു.
ഇറാനിൽ ഭരണകൂടത്തിന്റെ ക്രൂരമായ പീഡനങ്ങൾക്ക് ഇരയായതിനെത്തുടർന്ന് രാജ്യം വിടേണ്ടി വന്നയുവതി നിലവിൽ കാനഡയിൽ വിദ്യാർത്ഥി വിസയിൽ താമസിക്കുകയാണ്. സുരക്ഷാകാരണങ്ങളാൽ സ്വന്തം പേര് വെളിപ്പെടുത്താത്ത ഇവർ, ഇറാനിൽ താൻ അനുഭവിച്ച ക്രൂരതകൾക്ക്ലഭിച്ച നീതിയായാണ് ഖമേനിയുടെ അന്ത്യത്തെ കാണുന്നത്.
ഖമേനിയുടെ മരണം ആഘോഷിക്കുന്ന നിരവധി വീഡിയോകൾ കാനഡയിലെയും യൂറോപ്പിലെയുംതെരുവുകളിൽ നിന്ന് ഇപ്പോൾ പുറത്തുവരുന്നുണ്ട്. ഇറാനിലെ അടിച്ചമർത്തപ്പെട്ട സ്ത്രീകളുടെയുംയുവാക്കളുടെയും വിജയമാണിതെന്നാണ് പ്രക്ഷോഭകർ അവകാശപ്പെടുന്നത്.
അമേരിക്കയുടെയും ഇസ്രായേലിന്റെയും സംയുക്ത ആക്രമണത്തിൽ ഖമേനി കൊല്ലപ്പെട്ടതോടെ പശ്ചിമേഷ്യയിൽ യുദ്ധം കനക്കുമ്പോഴും, ഇറാനിലെ ഭരണകൂട ഭീകരതയിൽ നിന്നും രക്ഷപെട്ടവർക്ക് ഇത് ആശ്വാസത്തിന്റെ നിമിഷങ്ങളാണ്. വരും മണിക്കൂറുകളിൽ ഇറാനിലെ ആഭ്യന്തര പ്രക്ഷോഭങ്ങൾ കൂടുതൽ ശക്തമാകാൻസാധ്യതയുണ്ടെന്നാണ് അന്താരാഷ്ട്ര നിരീക്ഷകർ വിലയിരുത്തുന്നത്.
