ടെൽ അവീവ് : ഇറാൻ നടത്തിയ വ്യോമാത്രമണത്തിൽ ഇസ്രായേലിൽ 10 മരണം. ബെയ്ത്ത് ഷെമെഷിൽ ആണ് അയൺ ഡോമിന് തടയാൻ കഴിയാതിരുന്ന മിസൈൽ പതിച്ചത്. ജനവാസ കേന്ദ്രത്തിൽ മിസൈൽ പതിച്ച് ഒരു സിനഗോഗ് തകർന്നു. പരിക്കേറ്റവരെ സ്ഥലത്തുനിന്നും ഉടൻതന്നെ എയർ ലിഫ്റ്റ് ചെയ്തതായി ഇസ്രായേൽ സൈന്യം അറിയിച്ചു.
ജറുസലേമിന് പടിഞ്ഞാറ് 30 കിലോമീറ്റർ അകലെയുള്ള മധ്യ ഇസ്രായേലിലെ ഒരു നഗരമാണ് ബെയ്ത്ത് ഷെമേഷ്. ഖമേനിയുടെ കൊലപാതകത്തിന് ശക്തമായ തിരിച്ചടി നൽകുമെന്ന് ഇറാൻ മുന്നറിയിപ്പ് നൽകിയതിന് പിന്നാലെയാണ് മിസൈൽ ആക്രമണങ്ങൾ. അതേസമയം, ലോക നേതാക്കൾ സമാധാനത്തിന് ആഹ്വാനം ചെയ്യുകയും എല്ലാ കക്ഷികളും ചർച്ചകളിലൂടെ വ്യത്യാസങ്ങൾ പരിഹരിക്കണമെന്ന് പറയുകയും ചെയ്തു. ശനിയാഴ്ച നടന്ന യുഎൻ സുരക്ഷാ കൗൺസിലിൽ, സംഘർഷം മേഖലയിലേക്കും അതിനപ്പുറത്തേക്കും വ്യാപിക്കുന്നത് തടയാൻ ആക്രമണങ്ങൾ നിർത്തി ചർച്ചകളിലേക്ക് മടങ്ങണമെന്ന് യുഎൻ മേധാവിയും നിരവധി രാജ്യങ്ങളും ആവശ്യപ്പെട്ടു.
