ചെങ്ങന്നൂര്: ചെങ്ങന്നൂര് ഉപതിരഞ്ഞെടുപ്പില് എല്ഡിഫ് സ്ഥാനാര്ത്ഥി സജി ചെറിയാന് വിജയിച്ചു. റെക്കോര്ഡ് ഭൂരിപക്ഷമാണ് സ്ഥാനാര്ത്ഥിക്ക് ലഭിച്ചത്. 20956 വോട്ടുകള്ക്ക് ലീഡ് നേടിയാണ് സജി ചെറിയാന് വിജയിച്ചത്. 1987ല് മാമ്മന് ഐപ്പിന് ലഭിച്ച 15703 ആയിരുന്നു എല്.ഡി.എഫിന് ചെങ്ങന്നൂരില് ലഭിച്ച ഏറ്റവും വലിയ ഭൂരിപക്ഷം. ഇത് സജി ചെറിയാന് മറികടന്നു.
യുഡിഎഫ് സ്ഥാനാര്ത്ഥി ഡി വിജയകുമാറിന് 46347 വോട്ടുകാണ് ലഭിച്ചത്. എന്ഡിഎ സ്ഥാനാര്ത്ഥി ശ്രീധരന് പിള്ളയ്ക്ക് ലഭിച്ചത് 35270 വോട്ടുകളാണ്.
യു.ഡി.എഫ്, എൻ.ഡി.എ അനുകൂല മേഖലകളിൽപ്പോലും വ്യക്തമായ മുൻതൂക്കം നേടിയാണ് എൽ.ഡി.എഫ് സ്ഥാനാർഥി വിജയം ഉറപ്പിച്ചത്.
പകുതി വോട്ടുകൾ എണ്ണിക്കഴിഞ്ഞപ്പോൾ തന്നെ കഴിഞ്ഞതവണത്തെ എൽ.ഡി.എഫ് ഭൂരിപക്ഷമായ 7983 സജി ചെറിയാൻ മറികടന്നിരുന്നു.
യു.ഡി.എഫ് ശക്തികേന്ദ്രങ്ങളെന്ന് കരുതുന്ന മാന്നാർ, പാണ്ടനാട് പഞ്ചായത്തുകളിലും ചെങ്ങന്നൂർ മുൻസിപ്പാലിറ്റിയിലും സജി ചെറിയാൻ വ്യക്തമായ ഭൂരിപക്ഷം നേടി. ഈ പഞ്ചായത്തുകളിലെ വോട്ടെണ്ണലിന്റെ ഒരു ഘട്ടത്തിൽ പോലും സജി ചെറിയാൻ പിന്നോട്ട് പോയില്ല. കഴിഞ്ഞ തവണ യു.ഡി.എഫിന് ലീഡ് കിട്ടിയ സ്ഥലങ്ങളാണ്പാണ്ടനാടും ചെങ്ങന്നൂർ മുൻസിപ്പാലിറ്റിയും. പണ്ടനാട് എൽ.ഡി.എഫ് 548 വോട്ടിന്റേയും ചെങ്ങന്നൂർ മുൻസിപ്പാലിറ്റിയിൽ 753 വോട്ടിന്റേയും ഭൂരിപക്ഷം നേടി.
Discussion about this post