റഫാല്‍ കേസില്‍ കേന്ദ്രസര്‍ക്കാര്‍ സുപ്രീംകോടതിയില്‍ പുതിയ സത്യവാങ്മൂലം സമര്‍പ്പിച്ചു. ഇടപാടില്‍ സി.ബി.ഐ അന്വേഷണം ആവശ്യമില്ലെന്ന സുപ്രീംകോടതിയുടെ ഡിസംബറിലെ ഉത്തരവ് മോഷ്ടിക്കപ്പെട്ട രേഖകളുടെ അടിസ്ഥാനത്തില്‍ പുനഃപരിശോധിക്കരുതെന്ന് സത്യവാങ്മൂലത്തില്‍ കേന്ദ്രം ആവശ്യപ്പെട്ടു.
ഇടപാടുമായി ബന്ധപ്പെട്ട ചര്‍ച്ചകള്‍ പ്രധാനമന്ത്രിയുടെ ഓഫീസ് നിരീക്ഷിച്ചതിനെ രഹസ്യ ചര്‍ച്ചയെന്നു വിശേഷിപ്പിക്കാനാവില്ല. പുനഃപരിശോധനാ ഹര്‍ജികള്‍ക്കൊപ്പം ഫയല്‍ ചെയ്തിരിക്കുന്ന രേഖകള്‍ പ്രതിരോധ മന്ത്രാലയത്തിന്റെ രഹസ്യഫയല്‍ കുറിപ്പുകളാണ്. കരാര്‍ വ്യവസ്ഥകള്‍ തയ്യാറാക്കുന്നതിന്റെ ഭാഗമായി വിവിധ ഏജന്‍സികള്‍ നല്‍കിയ ശുപാര്‍ശകള്‍ അടങ്ങുന്നതാണ് ഈ ഫയല്‍ കുറിപ്പുകള്‍. എന്നാല്‍ ഈ ഫയല്‍ കുറിപ്പുകള്‍ അന്തിമതീരുമാനമായി കണക്കാക്കാനാകില്ലെന്നും കേന്ദ്രം പറഞ്ഞു
Discussion about this post