സര്ക്കാര് ജീവനക്കാരി മൂന്നാമതും ഗര്ഭിണിയാകുമ്പോള് പ്രസവാവധി അനുവദിക്കാനാവില്ലെന്ന് ഹൈക്കോടതി ഉത്തരവ്. ഉത്തരാഖണ്ഡ് ഹൈക്കോടതിയാണ് വിധി പുറപ്പെടുവിച്ചത്. ചീഫ് ജസ്റ്റിസ് രമേഷ് രംഗനാഥന്, ജസ്റ്റിസ് അലോക് കുമാര് വര്മ എന്നിവരടങ്ങിയ ബെഞ്ചിന്റേതാണ് ഉത്തരവ്.
മൂന്നാമതും ഗര്ഭിണിയാകുന്നവര്ക്ക് പ്രസവാവധി അനുവദിക്കുകയില്ലെന്ന സര്ക്കാര് നയത്തെ ചോദ്യംചെയ്ത് ഹല്ദ്വാനി സ്വദേശിനി ഊര്മിള മാസിഹ് എന്ന നഴ്സ് സമര്പ്പിച്ച ഹര്ജിയിയില്, ജീവനക്കാരിക്ക് അവധി അനുവദിക്കണമെന്ന് സിംഗിള് ബെഞ്ച് ജൂലൈയില് ഉത്തരവിട്ടിരുന്നു. ഈ വിധി ചോദ്യം ചെയ്തുകൊണ്ട് സംസ്ഥാന സര്ക്കാര് നല്കിയ അപ്പീല് അംഗീകരിച്ചുകൊണ്ടാണ് ഡിവിഷന് ബെഞ്ചിന്റെ ഉത്തരവ്.
സര്ക്കാര് തീരുമാനം ഭരണഘടനയുടെ 42ാം അനുച്ഛേദനത്തിന്റെയും മാതൃത്വ ആനുകൂല്യനിയമത്തിന്റെ 27-ാം വകുപ്പിന്റെയും ലംഘനമാണെന്നായിരുന്നു ഹര്ജിക്കാരിയുടെ വാദം. എന്നാല് ഹര്ജിക്കാരിക്കു രണ്ടുകുട്ടികളുണ്ടെന്നും മൂന്നാമതും പ്രസവാവധി അനുവദിക്കാനാവില്ലെന്നും, സിംഗിള് ബെഞ്ച് ഉത്തരവ് ചോദ്യംചെയ്ത് സര്ക്കാര് നല്കിയ പ്രത്യേകഹര്ജിയില് സര്ക്കാര് വ്യക്തമാക്കി.
Discussion about this post