മുംബൈ: നെസ്‌ലെയുടെ മാഗി ന്യൂഡില്‍സിന് ഏര്‍പ്പെടുത്തിയ നിരോധനം പിന്‍വലിച്ചതിനെതിരെ ഭക്ഷ്യ സുരക്ഷാ അതോറിറ്റി സുപ്രീം കോടതിയില്‍ അപ്പീല്‍ നല്‍കി. പ്രത്യേകം തയ്യാറാക്കിയ സാമ്പിളുകളാണ് നെസ്‌ലെ പരിശോധനയ്ക്ക് അയച്ചതെന്നാണ് അതോറിറ്റിയുടെ ആരോപണം.
കഴിഞ്ഞയാഴ്ചയാണ് അഞ്ച് മാസത്തിലേറെ നീണ്ടു നിന്ന നിരോധനത്തിലൊടുവില്‍ മാഗി ന്യൂഡില്‍സ് വിപണിയിലെത്തിയത്. ഇകൊമേഴ്‌സ് വഴിയുള്ള വില്‍പനയ്ക്ക് സ്‌നാപ്ഡീലുമായി മാഗി ധാരണയിലെത്തിയിരുന്നു.
മുംബൈ ഹൈക്കോടതിയില്‍ നിന്ന് അനുകൂല വിധി ലഭിച്ചതിനെ തുടര്‍ന്നാണ് മാഗി വീണ്ടും വിപണിയിലെത്തിയത്. സര്‍ക്കാര്‍ അംഗീകാരം ലഭിച്ച മൂന്ന് ലാബുകളില്‍ പരിശോധന നടത്തി ഭക്ഷ്യയോഗമാണെന്ന് തെളിയിച്ചാല്‍ വീണ്ടും വിപണിയലറക്കാമെന്നായിരുന്നു ഹൈക്കോടതി മാഗിക്ക് നല്‍കിയ നിര്‍ദ്ദേശം.
Discussion about this post