തിരുവനന്തപുരം: സോളാര്‍ കേസിലെ പ്രതി സരിത എസ്.നായരെ താന്‍ അങ്ങോട്ട് വിളിച്ചിട്ടില്ലെന്ന് കെ.പി.സി.സി ജനറല്‍ സെക്രട്ടറി തമ്പാനൂര്‍ രവി പറഞ്ഞു. പൊതുപ്രവര്‍ത്തകന്‍ എന്ന നിലയില്‍ ആരു വിളിച്ചാലും താന്‍ ഫോണെടുക്കും. സരിത ഇന്നലേയും വിളിച്ചിരുന്നു. എല്‍.ഡി.എഫ് നേതാക്കള്‍ സ്വാധീനിക്കാന്‍ ശ്രമിക്കുന്നു എന്നറിഞ്ഞു. അതേക്കുറിച്ച് ചോദിക്കുകയാണ് ചെയ്തതെന്നും അദ്ദേഹം വ്യക്തമാക്കി.
മുഖ്യമന്ത്രി ഉമ്മന്‍ചാണ്ടിയെ പിതൃതുല്യനെന്ന് പറഞ്ഞ സരിതയെ അങ്ങോട്ട് വിളിച്ച് സ്വാധീനിക്കേണ്ട ആവശ്യമില്ലെന്നും അദ്ദേഹം പറഞ്ഞു. മുഖ്യമന്ത്രിക്ക് അനുകൂലമായി മൊഴി നല്‍കാന്‍ സരിതയോട് ആവശ്യപ്പെട്ടു എന്ന ആരോപണത്തോട് പ്രതികരിക്കുകയായിരുന്നു അദ്ദേഹം.
Discussion about this post