തിരുവനന്തപുരം: എ.പി.അബ്ദുള്ള കുട്ടി എം.എല്‍.എയ്‌ക്കെതിരെ താന്‍ ലൈംഗിക പീഡന ആരോപണം ഉയര്‍ത്തിയത് കോണ്‍ഗ്രസ് നേതാവ് തമ്പാനൂര്‍ രവി പറഞ്ഞിട്ടാണെന്ന് സരിത.എസ്.നായര്‍. മജിസ്‌ട്രേറ്റിന് മുന്നില്‍ അബ്ദുള്ളക്കുട്ടിയ്‌ക്കെതിരെ മൊഴി കൊടുത്തതും തമ്പാനൂര്‍ രവി പറഞ്ഞിട്ടാണെന്ന് സരിത സോളാര്‍ കമ്മീഷനോട് പറഞ്ഞു.
കേസ് വഴി തിരിച്ചു വിടാനായിരുന്നു ഇതെന്നും സരിത പറഞ്ഞു. സോാളാര്‍ കേസൊതുക്കാന്‍ മുഖ്യമന്ത്രിയുടെ നിര്‍ദ്ദേശപ്രകാരണാണ് ചെയ്തത്. ബെന്നി ബഹനാനും തമ്പാനൂര്‍ രവിയും ഇക്കാര്യങ്ങള്‍ പറയുന്നതിന്റെ ഓഡിയോ ടേപ്പും തെളിവായി കമ്മീഷനു നല്‍കിയിട്ടുണ്ട്. പന്നീട് ഗ്രൂപ്പ് പ്രശ്‌നത്തിലേക്ക് നീങ്ങിയപ്പോള്‍ ബെന്നി ഇടപെട്ട് എഫ്‌ഐആര്‍ റദ്ദാക്കാനുള്ള നടപടികളുമായി മുന്നോട്ട് പോവാന്‍ ആവശ്യപ്പെട്ടതെന്നും സരിത പറഞ്ഞു. ബെന്നിയും രവിയും ഇക്കാര്യം പറയുന്നത് സി.ഡിയിലുണ്ട്. ആദ്യം വനിത പൊലീസ് സ്റ്റേഷനില്‍ പരാതി നല്‍കാന്‍ പറഞ്ഞതും രവിയാണ്. കേസ് കൊടുപ്പിച്ചതും പിന്‍വലിപ്പിച്ചതും മുഖ്യമന്ത്രിയുടെ നിര്‍ദ്ദേശപ്രകാരമാണ്. ഇതിന്റെ തെളിവുകള്‍ സി.ഡിയില്‍ ഉണ്ടെന്ന് സരിത പറഞ്ഞു.
ഗണേഷ് കുമാറിന്റെ പി.എ പ്രദീപിന്റെ ഫോണിലാണ് സംസാരിച്ചത്. തമ്പാനൂര്‍ രവിയെ അനുസരിയ്ക്കണമെന്ന് പ്രദീപ് തന്നോട് പറഞ്ഞു.
മോചിതയായ ശേഷം ആര്‍.ബാലകൃഷ്ണ പിള്ളയുടെ ബന്ധുവിന്റെ വീട്ടിലാണ് താമസിച്ചത്. സത്യം പറയാന്‍ ശ്രമിച്ചപ്പോഴൊക്കെ തടഞ്ഞത് ബെന്നി ബഹനാനാണ്. മുഖ്യമന്ത്രിയുടെ നിര്‍ദ്ദേശപ്രകാരമാണ് താന്‍ ഇത് പറഞ്ഞിരുന്നതെന്ന് ബെന്നി ബഹനാന്‍ പറഞ്ഞതായി സരിത ആരോപിച്ചു.
Discussion about this post