ആന്ഡ്രോയ്ഡ് ഫോണുകള് സുരക്ഷിതമല്ലെന്ന് കേന്ദ്രം. ക്വാല്കോം, മീഡിയാടെക്ക് എന്നീ ചിപ്പുകളില് പ്രവര്ത്തിക്കുന്ന ആന്ഡ്രോയിഡ് ഫോണുകള്ക്കാണ്് അതീവ സുരക്ഷാ മുന്നറിയിപ്പ് നല്കിയിരിക്കുന്നത്. കേന്ദ്രസര്ക്കാര് ഏജന്സിയായ ഇന്ത്യന് കംപ്യൂട്ടര് എമര്ജന്സി റെസ്പോണ്സ് ടീ (സേര്ട്ട്ഇന്)മാണ് വിവരങ്ങള് പുറത്തുവിട്ടിരിക്കുന്നത്. ആന്ഡ്രോയിഡ് 12, 12എല്, 13, 14 എന്നീ ഓഎസുകളില് പ്രവര്ത്തിക്കുന്ന ഫോണുകളെയാണ് പുതിയതായി കണ്ടെത്തിയ പ്രശ്നങ്ങള് ബാധിക്കുക.
ഫ്രെയിം വര്ക്ക്, സിസ്റ്റം, കെര്നല്, എആര്എം കമ്പോണന്റ്, ഇമാജിനേഷന് ടെക്നോളജീസ്, മീഡിയാ ടെക് കമ്പോണന്റ്, ക്വാല്കോം ക്ലോസ്ഡ് -സോഴ്സ് കമ്പോണന്റ് എന്നിവയിലാണ് പ്രശ്നങ്ങള് കണ്ടെത്താന് കഴിഞ്ഞത്. ഉപഭോക്താക്കളുടെ വ്യക്തിവിവരങ്ങള് ചോര്ത്താനും ഫോണിന്റെ നിയന്ത്രണം കൈക്കലാക്കാനും ഈ പ്രശ്നങ്ങള് ദുരുപയോഗം ചെയ്താല് ഒരു ഹാക്കര്ക്ക് സാധിക്കും.
ഇത്തരം പ്രശ്നങ്ങളെ ചെറുക്കാന് ആദ്യമായി ഫോണ് അപ്ഡേറ്റ് ചെയ്യുകയാണ് വേണ്ടത്. അതാത് ഫോണ് കമ്പനികള് പുറത്തിറക്കുന്ന സുരക്ഷാ അപ്ഗ്രേഡുകള് ഉടന് തന്നെ ഇന്സ്റ്റാള് ചെയ്യുക. അപ്ഡേറ്റുകള് വൈകാതിരിക്കാന് ഫോണിന്റെ ഓട്ടോമാറ്റിക് അപ്ഡേറ്റ് ഓണ് ചെയ്തു വെക്കുക. ഇതുവഴി അപ്ഡേറ്റുകള് എത്തുന്നതിന് അനുസരിച്ച് ഓട്ടോമാറ്റിക് ആയി അവ ഇന്സ്റ്റാള് ചെയ്യപ്പെടും.
ഗൂഗിള് പ്ലേസ്റ്റോര് പോലെ വിശ്വാസ്യതയുള്ള പ്ലാറ്റ്ഫോമുകളില് നിന്ന് മാത്രം ആപ്പുകള് ഇന്സ്റ്റാള് ചെയ്യുക. ഇമെയിലുകള്, എസ്എംഎസ് എന്നിവ വഴിയെല്ലാം ലഭിക്കുന്ന അപരിചിതമായ ലിങ്കുകള് ക്ലിക്ക് ചെയ്യുന്നത് ഒഴിവാക്കുക.
ഫോണില് മറ്റാരെങ്കിലും കടന്നുകയറിയെന്ന് സംശയിക്കുന്നുവെങ്കില് അതിവേഗം തന്നെ ഫോണ് ഫാക്ടറി റീസെറ്റ് ചെയ്യുക.
Discussion about this post