കമ്മ്യൂണിസ്റ്റു നേതാവ് പന്ന്യന് രവീന്ദ്രന്റെ ഐതീഹ്യ പ്രസ്താവനക്കെതിരെ സോഷ്യല്മീഡിയയില് വ്യാപക വിമര്ശനം. രാമായണത്തിലെ ശ്രീരാമന്റെ കാലത്ത് വിമാനമുണ്ടായിരുന്നതായി സിപിഐ നേതാവ് പന്ന്യന് രവീന്ദ്രന് മുമ്പ് ഒരു ചാനലിന് നല്കിയ അഭിമുഖത്തില് പറഞ്ഞിരുന്നു. മതേതരവാദിയെന്നവകാശപ്പെടുന്ന കമ്മ്യൂണിസ്റ്റ് നേതാവ് എസിവി ചാനലില് രാഹുല് ഈശ്വറുമായി നടത്തിയ അഭിമുഖത്തിന്റെ ദൃശ്യങ്ങളാണ് ഇപ്പോള് നവമാധ്യമങ്ങളില് പ്രചരിക്കുന്നത്.
ത്രേതായുഗത്തില് വിമാനമുണ്ടായിരുന്നതായും അന്ന് ഉപയോഗിച്ചിരുന്ന ആയുധങ്ങളും അതുപോലുള്ള കണ്ടുപിടുത്തങ്ങളുടെയും മുന്നോട്ടുള്ള വളര്ച്ചയാണ് ഇപ്പോഴുള്ള ടെക്നോളജിയെന്നും പന്ന്യന് വീഡിയോയില് പറയുന്നുണ്ട്. ‘ശ്രീരാമന്റെ കാലഘട്ടം ത്രേതായുഗമാണ്. ആ ത്രേതായുഗത്തില് വിമാനമുണ്ടായിരുന്നു. നമ്മളെല്ലാം തുടങ്ങുന്നത് ഇന്നലെ ഇന്ന് നാളെ എന്നാണ്. ഇന്നലെയുടെ പൈതൃകമുണ്ട്. ആ പൈതൃകമാണ് നമ്മളെല്ലാം’ പന്ന്യന് രവീന്ദ്രന് പ്രസ്തുത വീഡിയോയില് പറയുന്നു.
വീഡിയോയില് അന്നത്തെ യുദ്ധത്തില് ഉപയോഗിച്ചിരിക്കുന്ന അസ്ത്രങ്ങളുടെ മേന്മകളെയും പന്ന്യന് ചൂണ്ടിക്കാട്ടുന്നുണ്ട്. അഗ്നികൊണ്ടുള്ള അസ്ത്രം എതിരാളിക്ക് അയക്കുമ്പോള് തിരിച്ചു ജലാസ്ത്രം കൊണ്ട് അവര് അതിനെ നേരിടുന്നു. അതെല്ലാം തന്നെ കണിശതയോടെയുള്ള തീരുമാനങ്ങളുടെ അടിസ്ഥാനത്തില് ഒരുപാടുകാലം ചെലവഴിച്ചുണ്ടാക്കിയ കണ്ടുപിടുത്തങ്ങളാണെന്നാണ് അദ്ദേഹത്തിന്റെ പക്ഷം. ആ കണ്ടുപടുത്തങ്ങളുടെ മുന്നോട്ടുള്ള വളര്ച്ചയാണ് ഇപ്പോഴത്തെ ടെക്നോളജിയെന്നും പന്ന്യന് രവീന്ദ്രന് ചൂണ്ടിക്കാട്ടുന്നു.
ലോ അക്കാദമി വിഷയത്തില് സിപിഐയുടെ ബിജെപി അനുകൂല നിലപാടുകള് വന് വിവാദമുയര്ത്തിയിരുന്നു. അതിനു പിന്നാലെയാണ് ഹിന്ദുത്വത്തെ അനുകൂലിച്ചുകൊണ്ടുള്ള കമ്മ്യൂണിസ്റ്റു നേതാക്കളുടെ പഴയ വീഡിയോകള് നവമാധ്യമങ്ങളില് പ്രചരിക്കുന്നതും.
https://youtu.be/Eq_rpwC7Cf0
Discussion about this post