തിരുവനന്തപുരം: ഫയല്‍ നീക്കത്തില്‍ ഏറ്റവും പിന്നില്‍ മുഖ്യമന്ത്രി പിണറായി വിജയന്റെ വകുപ്പാണെന്ന് വ്യക്തമാക്കി കണക്കുകള്‍. ഫയലുകള്‍ തീര്‍പ്പാക്കാതെ കെട്ടിക്കിടക്കുന്നുവെന്ന ആക്ഷേപത്തിനിടെ മുഖ്യമന്ത്രിയുടെ കീഴിലുള്ള നോര്‍ക്കയാണ് ഇക്കാര്യത്തില്‍ ഏറ്റവും പിന്നില്‍. ജനുവരിയില്‍ നോര്‍ക്ക തീര്‍പ്പാക്കിയത് മൊത്തം ഫയലുകളുടെ മൂന്ന് ശതമാനം മാത്രമാണ്. റവന്യൂ, ഫിഷറീസ്, വനം, സാംസ്‌കാരികം, പാര്‍ലമെന്ററി കാര്യ വകുപ്പുകളും ഫയലുകള്‍ തീര്‍പ്പാക്കുന്ന കാര്യത്തില്‍ പിന്നിലാണ്.
എന്നാല്‍ ന്യൂനപക്ഷം, തൊഴില്‍വകുപ്പ് തുടങ്ങിയ വകുപ്പുകള്‍ മികച്ച പ്രകടനം കാഴ്ചവെച്ചപ്പോള്‍ ഭക്ഷ്യവകുപ്പ്, പട്ടികജാതി വകുപ്പുകളില്‍ മോശമല്ലാത്ത രീതിയില്‍ ഫയല്‍ നീക്കം നടക്കുന്നുണ്ട്.
ഫയല്‍ നീക്കം മന്ദഗതിയിലാണെന്ന ആക്ഷേപത്തെ തുടര്‍ന്നാണ് ഇക്കാര്യത്തില്‍ പരിശോധന നടത്തിയത്. ഇന്നലെ ചീഫ് സെക്രട്ടറിയുടെ അധ്യക്ഷതയില്‍ ചേര്‍ന്ന യോഗത്തില്‍ ഫയല്‍നീക്കത്തിലെ മെല്ലപ്പോക്ക് ചര്‍ച്ചയായി.
Discussion about this post