തിരുവനന്തപുരം: പത്മനാഭസ്വാമി ക്ഷേത്രത്തിന് സമീപത്തെ വടക്കേ നടയില് വന് തീപിടിത്തം. വടക്കേ നടയ്ക്ക് സമീപത്തെ ഗോഡൗണ്, പോസ്റ്റ്ഓഫീസ് എന്നിവ പൂര്ണമായും കത്തിനശിച്ചിട്ടുണ്ട്. പുലര്ച്ചെ 3.30 ഓടെയാണ് തീപിടിത്തമുണ്ടായത്.
നാല് യൂണിറ്റുകളില് നിന്നുള്ള അഗ്നിശമന വാഹനങ്ങള് എത്തി തീ നിയന്ത്രണവിധേയമാക്കായിതാണ് തീ മറ്റ് സ്ഥലങ്ങളിലേക്ക് വ്യാപിക്കുന്നത് തടയാനായത്. ക്ഷേത്രം കമാന്ഡോകളുടെ സി.സി.ടി.വി യിലാണ് തീ പടരുന്നത് ആദ്യം ശ്രദ്ധയില്പെട്ടത്. തുടര്ന്ന് സംഭവം അഗ്നിശമന സേനാ വിഭാഗത്തെ അറിയിക്കുകയായിരുന്നു. രക്ഷാപ്രവര്ത്തനത്തിനിടെ ആദര്ശ് എന്ന കമാന്ഡോയുടെ കാലിന് പരിക്കേറ്റിട്ടുമുണ്ട്.
തപാല് ഉരുപ്പടികള് മുഴുവനായും ചാക്കില് കെട്ടി സൂക്ഷിക്കുന്ന സ്ഥലമാണ് തീ പിടിത്തത്തില് ചാമ്പലായ ഗോഡൗണ്. അതുകൊണ്ട് തന്നെ വലിയ നാശനഷ്ടമുണ്ടാവാന് സാധ്യതയുണ്ടെന്നാണ് അഗ്നിശമന സേനാ അധികൃതര് ചൂണ്ടിക്കാട്ടുന്നത്. തൊട്ടടുത്ത പോസ്റ്റ്ഓഫീസും പൂര്ണമായും കത്തിനശിച്ചിട്ടുണ്ട്.
Discussion about this post