തിരുവനന്തപുരം: പി.സി. ജോര്‍ജിനെ ചീഫ് വിപ്പ് സഥാനത്തു നിന്നും മാറ്റണമെന്നാവശ്യപ്പെട്ടുള്ള കത്ത് കെ.എം മാണി നല്‍കിയിട്ടുണ്ടെന്ന് മുഖ്യമന്ത്രി ഉമ്മന്‍ചാണ്ടി പറഞ്ഞു. രമേശ് ചെന്നിത്തല, കുഞ്ഞാലിക്കുട്ടി എന്നിവരുമായും പി.സി ജോര്‍ജുമായും ഇക്കാര്യം ചര്‍ച്ച ചെയ്തുവെന്നും അദ്ദേഹം മാധ്യമങ്ങളോട് പറഞ്ഞു.
പി.സി ജോര്‍ജിന്റെ രാജി സംബന്ധിച്ച് മറ്റുള്ള നേതാക്കളുമായി സംസാരിച്ച് ഉടന്‍ തീരുമാനമെടുക്കും. യു.ഡി.എഫില്‍ ഇതുമായി ബന്ധപ്പെട്ട് പ്രതിസന്ധിയില്ല. 72 സീറ്റില്‍ തുടങ്ങി ഇപ്പോള്‍ 76 ആയി. രാഷ്ട്രീയത്തില്‍ ചില സമയങ്ങളില്‍ മൃദു സമീപനങ്ങള്‍ സ്വീകരിക്കേണ്ടിവരുമെന്നും എല്ലാവരെയും യോജിപ്പിച്ച് മുന്നോട്ട് പോകുമെന്നും മുഖ്യമന്ത്രി പറഞ്ഞു.
Discussion about this post