രജനികാന്തുമായുള്ള രാഷ്ട്രീയ ബന്ധം സംബന്ധിച്ച ചോദ്യത്തിന് അമേരിക്കയില് നടന്ന സംവാദത്തിനിടെ ആയിരുന്നു കമല് മനസു തുറന്നത്. രജനിയുമായി സഖ്യസാധ്യതയില്ലെന്ന് പറഞ്ഞ കമല് ചുവപ്പ് തന്റെ മുഖഛായ അല്ലെന്നും പറഞ്ഞു. ചുവപ്പ് തന്റെ മുഖഛായയും അല്ല. രജനിയുടേത് കാവിയുമല്ല. അത്തരത്തിലൊരു സഖ്യത്തിന് സാധ്യതയില്ലെന്നും അദ്ദേഹം പറഞ്ഞു.
തമിഴ്നാട് രാഷ്ട്രീയത്തെ ശുദ്ധീകരിക്കുന്നതിന് വേണ്ടിയാണ് തങ്ങളുടെ ലക്ഷ്യമെന്നും കമല് പറഞ്ഞു. എന്റെ സിനിമകള് എന്റെ സഹപാഠികളില് നിന്ന് വ്യത്യസ്തമായിരുന്നു. രാഷ്ട്രീയത്തിലും അതുതന്നെയായിരിക്കുമെന്നും അദ്ദേഹം കൂട്ടിച്ചേര്ത്തു. രജനികാന്തുമായി ചേര്ന്ന് തിരഞ്ഞെടുപ്പിനെ അഭിമുഖീകരിക്കുന്നകാര്യം ആലോചിക്കുന്നുണ്ടെന്ന് കമല് നേരത്തെ പറഞ്ഞിരുന്നു. എന്നാല് അത് ഒരുപത്രത്തിലെഴുതുന്ന കോളത്തില് കമല് തന്നെ പിന്നീട് നിഷേധിക്കുകയും ചെയ്തു.
കഴിഞ്ഞ ഡിസംബര് 31നാണ് രജനീകാന്ത് തന്റെ രാഷ്ട്രീയ പ്രവേശനം ഔദ്യോഗികമായി പ്രഖ്യാപിച്ചത്. കമലഹാസനും രാഷ്ട്രീയ പ്രവേശനം നേരത്തെ പ്രഖ്യാപിച്ചിരുന്നു.
Discussion about this post