തലശ്ശേരി:കൂത്തുപറമ്പ് മൂര്യാട് ബിജെപി പ്രവര്ത്തകന് കുമ്പളപ്രവന് പ്രമോദിനെ വധിച്ച കേസില് ശിക്ഷിക്കപ്പെട്ട സിപിഎം പ്രവര്ത്തകരില് അച്ഛനും മകനും. സഹോദരങ്ങളും അഭിഭാഷകനും. കേസിലെ നാലാം പ്രതിയും എട്ടാം പ്രതിയും അച്ഛനും മകനുമാണ്.
പാറെക്കെട്ടില് ഹൗസില് പവിത്രനും മകന് വിപിന് അണ്ണേരിയാണ് കേസിലെ നാലാം പ്രതിയും എട്ടാം പ്രതിയും. അഞ്ചാംപ്രതിയായ ചാമാളയില് വീട്ടില് പാട്ടക്ക ദിനേശന്റെ സഹോദരനാണ് ഒന്പതാം പ്രതി പാട്ടക്ക സുരേഷ്ബാബു.
കേസില് ശിക്ഷിക്കപ്പെട്ട ധനേഷ് കളത്തുംകണ്ടി തലശ്ശേരി കോടതിയിലെ അഭിഭാഷകനാണ്. രണ്ടാം പ്രതി കുന്നപ്പാടി മനോഹരന് കൂത്തുപറമ്പ് നഗരസഭാംഗവുമാണ്. സംഭവം നടന്ന് 11വര്ഷത്തിനു ശേഷമാണ് വിധി വന്നത്.
വിചാരണ നടപടികള് പൂര്ത്തിയായിട്ടും ഏഴുതവണ മാറ്റിയതിനു ശേഷമാണ് ഇന്നലെ വിധി പറഞ്ഞത്. രാവിലെ കുറ്റക്കാരായി കണ്ടെത്തിയ പ്രതികള്ക്ക് ഉച്ചയോടെയാണ് ശിക്ഷവിധിച്ചത്. വിധി കേട്ട ഉടനെ കോടതി വളപ്പില് പ്രതികളില് ചിലരും ബന്ധുക്കളില് പലരും കരയുന്നുണ്ടായിരുന്നു. സിപിഎം, ബിജെപി ആര്എസ്എസ് പ്രവര്ത്തകരും വിധികേള്ക്കാനായി എത്തിയിരുന്നു.
Discussion about this post