സ്ത്രികളെ നിന്ദിക്കുന്ന പ്രസംഗം പങ്കുവച്ച് ഇതിലെവിടെ സ്ത്രി വിരുദ്ധത എന്ന ചോദ്യമുയര്‍ത്തി ഇസ്ലാമിക മതപ്രഭാഷകന്‍ മുജാഹിദ് ബാലുശ്ശേരി. സ്ത്രീ അഹങ്കാരിയാണെന്നും അഹങ്കാരമാണ് സ്ത്രീയുടെ മുഖമുദ്രയെന്നും പ്രമുഖ പ്രഭാഷകന്‍ മുജാഹിദ് ബാലുശേരി. സ്ത്രീക്ക് ജോലി ലഭിച്ചാല്‍ അവള്‍ പുരുഷന്റെ തലയില്‍ കയറും. പുരുഷന് 35 ലക്ഷം രൂപ ശമ്പളം ലഭിച്ചാലും അവന് വിനയമുണ്ടാകും. അതാണ് പുരുഷനും സ്ത്രീയും തമ്മിലുള്ള വ്യത്യാസം- എന്നിങ്ങനെയാണ് മുജാഹിദ് ബാലുശേരിയുടെ പ്രസംഗം. ഒരു ഓണ്‍ലൈന്‍ മാധ്യമം പ്രസംഗം തെറ്റായി വളച്ചൊടിച്ചു എന്നാരോപിച്ച് മുജാഹിദ് ബാലുശ്ശേരി ഒഫീഷ്യല്‍ എന്ന ഫെയ്‌സ്ബുക്ക് പേജ് പങ്കുവച്ച വിഡിയോയിലാണ് അഭിപ്രായ പ്രകടനങ്ങള്‍.
പെണ്ണിനെയും ആണിനെയും ഒരുപോലെ കാണുന്നവര്‍ രാജ്യദ്രോഹികളാണ്. പുരുഷനാണ് കുടുംബത്തിലെ സ്വത്ത് കൈകാര്യം ചെയ്യേണ്ടത്. കുടുംബം ഭരിക്കേണ്ടതും പുരുഷന്മാരാണ്.ജോലിക്ക് പോകുന്ന സ്ത്രീകള്‍ക്ക് മറ്റു പുരുഷന്മാരുമായാണ് ബന്ധം. ജോലിക്ക് പോകുന്ന സ്ത്രീകളുടെ ദാമ്പത്യത്തില്‍ സ്വസ്ഥതയില്ല. പെണ്ണ് ജോലിക്ക് പോയ കുടുംബങ്ങളെല്ലാം ശിഥിലമായെന്നും അവള്‍ അമ്മയാകേണ്ടവളും ഭാര്യയാകേണ്ടവളും മാത്രമാണെന്നും മുജാഹിദ് ബാലുശേരി പ്രസംഗത്തില്‍ പറയുന്നു. എല്ലാം പറഞ്ഞുകഴിഞ്ഞ് ഇതൊന്നും തന്റെ വാക്കുകളല്ലെന്നും ജസ്റ്റിസ് ഡി.ശ്രീദേവിയുടെ ലേഖനത്തില്‍ പറയുന്നതാണ് ഇതെല്ലാമെന്നും ബാലുശ്ശേരി പറയുന്നു. സ്ത്രീ ജോലിക്ക് പോകുന്ന വീട്ടില്‍ അവരുടെ ജീവിതം പോല എല്ലാം കുത്തഴിഞ്ഞതാണെന്നും അടിവസ്ത്രം പോലും കഴുകാതെ ചിതറികിടക്കുന്നത് കാണാമെന്നും മുജാഹിദ് ബാലുശ്ശേരി പ്രസംഗിക്കുന്നു.
https://www.facebook.com/178171996122404/videos/212036119402658/
Discussion about this post