കൊച്ചി: സോളാര് തട്ടിപ്പ് അന്വേഷിക്കുന്ന ജസ്റ്റിസ് ജി ശിവരാജന് കമീഷന് സിപിഐ എം പൊളിറ്റ് ബ്യൂറോ അംഗം പിണറായി വിജയന് മൊഴി നല്കി . മുഖ്യമന്ത്രി ഉമ്മന് ചാണ്ടിക്ക് സോളാര് തട്ടിപ്പില് പങ്കുണ്ടെന്നാണ് പിണറായിയുടെ മൊഴി. സരിതയുടെ ഫോണ് കോള് വിവരങ്ങളും പിണറായി സോളാര് കമ്മീഷനു മുന്പില് സമര്പ്പിച്ചു. തട്ടിപ്പിനായി മുഖ്യമന്ത്രിയുടെ ഓഫീസ് ദുരുപയോഗം ചെയ്തു എന്നും പിണറായി വിജയന് മൊഴി നല്കി. സലിംരാജ് അടക്കമുള്ള നിഗൂഢ സംഘത്തിന്റെ തലവനാണ് മുഖ്യമന്ത്രി എന്നും പിണറായി പറഞ്ഞു. സാക്ഷിപ്പട്ടികയിലുള്ള പിണറായി കമീഷനില് മൊഴി നല്കാനിരുന്ന ദിവസം ദേഹാസ്വാസ്ഥ്യംമൂലം എത്താനാകില്ലെന്ന് അറിയിച്ചതിനാല് ഇന്നത്തേക്ക് മാറ്റി സമയം നീട്ടിനല്കുകയായിരുന്നു.
അതേസമയം മൊഴി രേഖപ്പെടുത്താന് ഈ മാസം 29ന് ഹാജരാകണമെന്ന് കെപിസിസി പ്രസിഡണ്ട് വിഎം ലുധീരനോട് കമ്മീഷന് നിര്ദ്ദേശിച്ചു. കമ്മീഷനു മുന്പാകെ ഹാജരാകാമെന്ന് സുധീരന് അറിയിച്ച സാഹചര്യത്തിലാണിത്. .അരുവിക്കര ഉപതെരഞ്ഞെടുപ്പിനു ശേഷമുള്ള തീയതി അനുവദിക്കണമെന്ന് സുധീരന് അപേക്ഷ നല്കിയിരുന്നു. നേരത്തെ സാക്ഷിപ്പട്ടികയില് നിന്ന് ഒഴിവാക്കണമെന്ന് സുധീരന് കമ്മീഷനോട് ആവശ്യപ്പെട്ടിരുന്നു. എന്നാല് ഉത്തരവാദിത്തങ്ങളില് നിന്ന് നേതാക്കള് ഒഴിഞ്ഞുമാറരുതെന്ന കമ്മീഷന്റെ വിമര്ശനത്തെ തുടര്ന്നാണ് കമ്മീഷനു മുന്നില് ഹാജരാകാന് സുധീരന് തയ്യാറാകുന്നത്.
സരിതാ എസ് നായരും ടീം സോളാര് കമ്പനിയും അനെര്ട്ടുമായി ചേര്ന്ന് ഇടപാടുകള് നടത്തിയിരുന്നെന്ന് ബുധനാഴ്ച ടീംസോളാര് ജീവനക്കാര് കമീഷന് മൊഴി നല്കിയിരുന്നു.
Discussion about this post