ഭോപ്പാല്: മധ്യപ്രദേശില് തെരഞ്ഞെടുപ്പു പ്രചരണത്തിനായി പ്രധാനമന്ത്രി നരേന്ദ്രമോദി ഉള്പ്പെടെ പ്രമുഖ നേതാക്കളെത്തും .തിരഞ്ഞെടുപ്പ് പ്രചാരണത്തിനിറങ്ങുന്ന നേതാക്കളുടെ 40 അംഗ പട്ടിക ബിജെപി പുറത്തിറക്കി. ബിജെപി ദേശീയ അധ്യക്ഷന് അമിത് ഷാ, കേന്ദ്രമന്ത്രിമാരായ രാജ്നാഥ് സിങ്,അരുണ് ജെയ്റ്റ്ലി, സുഷമാ സ്വരാജ്, നിതിന് ഗഡ്കരി, ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്, ഗുജറാത്ത് മുഖ്യമന്ത്രി വിജയ് രൂപാനി, മഹാരാഷ്ട്ര മുഖ്യമന്ത്രി ദേവേന്ദ്ര ഫട്നവിസ്, കേന്ദ്ര ടെക്സ്റ്റൈല്സ് മന്ത്രി സ്മൃതി ഇറാനി, നടിയും ബിജെപി എംപിയുമായ ഹേമമാലിനി തുടങ്ങിയവര് പ്രചാരണത്തിനായി മധ്യപ്രദേശിലെത്തും.
നവംബര് 28നാണ് മധ്യപ്രദേശില് നിയമസഭാ തിരഞ്ഞെടുപ്പ്. വോട്ടെണ്ണല് ഡിസംബര് 11ന്. തിരഞ്ഞെടുപ്പില് മുഖ്യമന്ത്രി സ്ഥാനാര്ഥിയെ പ്രഖ്യാപിക്കാന് കോണ്ഗ്രസിന് ഇതുവരെ സാധിച്ചിട്ടില്ല. അതേസമയം മുഖ്യമന്ത്രി ശിവരാജ് സിങ് ചൗഹാന് സെഹോര് ജില്ലയിലെ ബുധ്നിയില് നാമനിര്ദേശ പത്രിക സമര്പ്പിച്ചു. ജ്യോതിരാദിത്യ സിന്ധ്യയെയും കമല്നാഥിനെയുമ മുന് നിര്ത്തിയാണ് കോണ്ഗ്രസ് പ്രചരണത്തിനിറങ്ങുന്നത്.
Discussion about this post