ക്ഷേത്രങ്ങള്‍ക്കും, കൃസ്ത്യന്‍ പള്ളിയ്ക്കും സംഭാവന നല്‍കിയ വ്യവസായ പ്രമുഖന്‍ എംഎ യൂസഫലിയെ വിമര്‍ശിച്ച് മാധ്യമപ്രവര്‍ത്തകനായ ഒ അബ്ദുല്ല. യുസഫലി സ്വന്തം നാട്ടില്‍ രണ്ട് ക്ഷേത്രങ്ങള്‍ക്കും, ഒരു കൃസ്ത്യന്‍ പള്ളിക്കും സാമ്പത്തിക സഹായം നല്‍കിയതിനെ വിമര്‍ശിച്ചു കൊണ്ടാണ് ഒ അബ്ദുല്ലയുടെ വീഡിയൊ.
തെറ്റായ കാര്യങ്ങള്‍ക്ക് വേണ്ടി വഖഫ് ചെയ്യാന്‍ പാടില്ല.പാപ കൃത്യത്തില്‍ സഹകരിക്കാന്‍ പാടില്ല. ഇത് ശിര്‍ക്കാണെന്ന് മതപണ്ഡിതന്മാര്‍ പറഞ്ഞിട്ടുണ്ടെന്നും അദ്ദേഹം പറയുന്നു. മതേതരത നിലപാടുകള്‍ക്കായി ഓണം പോലുള്ള ആഘോഷങ്ങളില്‍ പങ്കെടുക്കാമെങ്കിലും ഇത്തരം ബഹുദൈവാരാധനയെ പ്രോത്സാഹിപ്പിക്കുന്ന നിലപാടുകളിലേക്ക് പോകരുത്. യൂസഫിയുടെ പല നടപടികളും മതത്തെ സാധൂകരിക്കുന്നതെല്ലെന്നു അബ്ദുല്ല പറയുന്നു.
മദ്യഷാപ്പിനും വ്യഭിചാരശാലകളും വഖഫ് ചെയ്യുന്നതിലേറെ ഭീകരമായ തെറ്റാണ് മതദൃഷ്ട്യാ നോക്കുമ്പോള്‍ ബഹുദൈവാരാധന വേണ്ടി വഖഫ് ചെയ്യുന്നത് എന്നിങ്ങനെയുള്ള പ്രതികരണങ്ങളാണ് മുസ്ലിം മതയാഥാസ്ഥിതികരില്‍ നിന്ന് ഒ അബ്ദുല്ലയുടെ പ്രതികരണത്തിന് ലഭിക്കുന്നത്.
Discussion about this post