പാക്കിസ്ഥാന്റെ ഭീഷണി നേരിടാന്‍ അതിര്‍ത്തിയില്‍ സുസജ്ജമെന്ന് ഇന്ത്യന്‍ സേനാമേധാവികള്‍ . പാക്കിസ്ഥാനുമായി സംഘര്‍ഷം രൂക്ഷമായിരിക്കുന്ന സാഹചര്യത്തിലാണ് കര-നാവിക-വ്യോമ മേധാവികള്‍ സംയുക്തമായി വാര്‍ത്താസമ്മേളനം നടത്തിയത് .
ഏതു സാഹചര്യം നേരിടാനും ഇന്ത്യന്‍ സൈന്യം സജ്ജമാണെന്ന് സേനാമേധാവികള്‍ വ്യക്തമാക്കി . പാക് വിമാനങ്ങളെ പ്രതിരോധം ഉയര്‍ത്തി തുരത്തുവാന്‍ സാധിച്ചു . പാക് വിമാനങ്ങള്‍ ബോംബുകള്‍ വര്‍ഷിച്ചെങ്കിലും നാശനഷ്ടമുണ്ടാക്കാന്‍ സാധിച്ചില്ല .
കിഴക്കന്‍ രജൗരിയില്‍ പാക്കിസ്ഥാന്റെ എഫ് 16 വിമാനം വ്യോമസേനയുടെ മിഗ് 21 ബി സോണ്‍ വെടിവെച്ചിട്ടു. അമ്രാം മിസ്സൈലാണ് പാക്കിസ്ഥാന്‍ വര്‍ഷിച്ചത് . ഇത് എഫ് 16 വിമാനത്തില്‍ നിന്നും മാത്രമേ തൊടുക്കാന്‍ സാധിക്കു എന്ന് വ്യോമസേന മേധാവി വ്യക്തമാക്കി . പാക്കിസ്ഥാന്‍ ഉപയോഗിച്ച മിസൈലിന്റെ ഭാഗങ്ങള്‍ വാര്‍ത്താസമ്മേളനത്തില്‍ പ്രദര്‍ശിപ്പിച്ചു . പാക് വിമാനങ്ങള്‍ ഇന്ത്യന്‍ വ്യോമാതിര്‍ത്തി ലംഘിച്ചത് കാരണമാണ് തിരിച്ചടിക്കേണ്ടി വന്നതെന്ന് സൈനിക മേധാവികള്‍ വ്യക്തമാക്കി .
രണ്ട് ദിവസത്തിനുള്ളില്‍ 35 തവണയാണ് പാക്കിസ്ഥാന്‍ വെടിനിര്‍ത്തല്‍ കരാര്‍ ലംഘിച്ചത് . ഭീകരവാദികളെ പാക്കിസ്ഥാന്‍ പ്രോത്സാഹിപ്പിക്കുന്ന കാലത്തോളം ഇന്ത്യ തീവ്രവാദ കേന്ദ്രങ്ങള്‍ക്ക് നേരെയുള്ള ആക്രമണം തുടരുമെന്ന് മേജര്‍ ജനറല്‍ സുരേന്ദ്ര സിംഗ് മഹാല്‍ പറഞ്ഞു .
ബലാക്കോട്ടില്‍ എത്രത്തോളം തീവ്രവാദികള്‍ കൊല്ലപ്പെട്ടു എന്നതിനെ സംബന്ധിച്ച കൃത്യമായ വിവരങ്ങള്‍ ഇപ്പോള്‍ പറയാന്‍ സാധിക്കില്ലെന്ന് എയര്‍ വൈസ് മാര്‍ഷല്‍ ആര്‍.ജി.കെ കപൂര്‍ പറഞ്ഞു . നാം ലക്ഷ്യമിട്ടത് എന്താണോ അത് നേടാന്‍ സാധിച്ചെന്നു അദ്ദേഹം വ്യക്തമാക്കി . വിങ് കമാന്‍ഡര്‍ അഭിനന്ദന്‍ മോചിതനാകുന്നുവെന്ന വാര്‍ത്ത സന്തോഷം നല്‍കുന്ന വാര്‍ത്തയാണെന്നും പൗരന്‍മാരുടെ സുരക്ഷ ഉറപ്പാക്കാന്‍ സൈന്യം പ്രതിജ്ഞാബദ്ധമാനെന്നും സൈനിക മേധാവികള്‍ പറഞ്ഞു
Discussion about this post