നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ മൂന്ന് കിലോ ഹാഷിഷ് ഓയിലുമായി മാലി പൗരന്‍ പിടിയില്‍ . നെടുംബാശ്ശേരി വഴി മാലിയിലേക്ക് കടക്കാനുള്ള ശ്രമത്തിനിടയിലാണ് അഹമ്മദ് എന്നയാളില്‍ നിന്നും മൂന്ന് കോടിരൂപ അന്താരാഷ്ട്ര വിപണിയില്‍ വിലവരുന്ന ഹാഷിഷ് പിടികൂടിയത് .
എയര്‍ ഇന്ത്യ വിമാനത്തില്‍ മാലിയിലേക്ക് പോകുവാന്‍ എത്തിയ അഹമ്മദിനെ എയര്‍ കസ്റ്റംസ് ഇന്റലിജന്‍സ് വിഭാഗം പിടികൂടുകയായിരുന്നു .
ഇന്ത്യയില്‍ വിലകുറവായതിനാല്‍ അന്താരാഷ്ട്ര വിപണിയില്‍ കച്ചവടം നടത്തുന്നതിനാണ് ഇവിടെ നിന്നും ഹാഷിഷ് വാങ്ങി കടത്താന്‍ ശ്രമിച്ചതെന്നാണ് സൂചന . വലിയ ബാഗിനടിയിലായി പ്രത്യേകം തയ്യാറാക്കിയ അറയില്‍ ഒളിപ്പിച്ച നിലയിലായിരുന്നു ഹാഷിഷ് .
മൂന്ന് ദിവസങ്ങള്‍ക്ക് മുന്‍പാണ് സന്ദര്‍ശക വിസയില്‍ ഇയാള്‍ എത്തിയത് . അന്താരാഷ്ട്ര മയക്കുമരുന്ന് കടത്ത് സംഘത്തിലെ കണ്ണിയാണ് കുടുങ്ങിയത് എന്നാണു കസ്റ്റംസ് അധികൃതരുടെ നിഗമനം . നെടുമ്പാശ്ശേരി വിമാനത്താവളം വഴി ലഹരിമരുന്ന് കടത്ത് വ്യാപകമാവുകയാണ് . തുടര്‍ച്ചയായി നിരവധി കേസുകളാണ് ഇവിടെ നിന്നും റിപ്പോര്‍ട്ട് ചെയ്യപ്പെടുന്നത് .
Discussion about this post