മന്ത്രി നവജ്യോത് സിങ് സിദ്ദുവിനെ എട്ട് ഉപദേശക സമിതികളില് നിന്നും ഒഴിവാക്കി പഞ്ചാബ് സര്ക്കാര്. മന്ത്രിമാരുടെ വകുപ്പുകള് പുന:സംഘടിപ്പിച്ചപ്പോള് തദ്ദേശസ്വയംഭരണ വകുപ്പ് സിദ്ദുവില് നിന്ന് എടുത്തുമാറ്റിയതിന് പിന്നാലെയാണ് അടുത്ത നടപടി.
ഊര്ജവകുപ്പ് മാത്രമാണ് സിദ്ദുവിന് നല്കിയിട്ടുള്ളത്. മന്ത്രിമാര്ക്ക് കൂടുതല് ഫലപ്രദമായി കാര്യങ്ങള് ചെയ്യാനാണ് വകുപ്പുമാറ്റമെന്നായിരുന്നു അമരീന്ദറിന്റെ വിശദീകരണം.
മന്ത്രിസഭായോഗത്തില് പങ്കെടുക്കാതെ ഫെയ്സ്ബുക്കിലൂടെ തത്സമയം മാധ്യമങ്ങളെ അഭിസംബോധന ചെയ്തതിനു പിന്നാലെയാണ് സിദ്ദുവിന്റെ വകുപ്പ് മാറ്റിയത്.
തിരഞ്ഞെടുപ്പിനു തൊട്ടുമുമ്പുള്ള സിദ്ദുവിന്റെ ‘ഉത്തരവാദിത്വമില്ലാത്ത നടപടികള്’ കോണ്ഗ്രസിനു ദോഷം ചെയ്തെന്ന് അമരീന്ദര് കുറ്റപ്പെടുത്തിയിരുന്നു. സിദ്ദുവിന് മുഖ്യമന്ത്രിയാകാനുള്ള അത്യാഗ്രഹമാണെന്നും അദ്ദേഹം യഥാര്ഥ കോണ്ഗ്രസുകാരനല്ലെന്നും അമരീന്ദര് വിമര്ശിച്ചിരുന്നു
Discussion about this post