ലോക ബാഡ്മിന്റൺ ചാമ്പ്യൻ പിവി സിന്ധു കേരളത്തിലെത്തി. കേരളത്തിന്റെ ആദരം ഏറ്റുവാങ്ങുന്നതിനാണ് എത്തിയിരിക്കുന്നത്.രാവിലെ പത്മാനാഭ ക്ഷേത്രത്തില്‍ ദര്‍ശനം നടത്തി.സെറ്റും മുണ്ടുമുടുത്ത്‌ തനി കേരളീയ വേഷത്തിലാണ് സിന്ദു ക്ഷേത്ര ദര്‍ശനം നടത്തിയത്.കൂടാതെ ആറ്റുകാല്‍ ക്ഷേത്രത്തിലും സിന്ധു തൊഴാനെത്തി. അമ്മ പി. വിജയയും കൂടെയുണ്ടായിരുന്നു.
ചൊവ്വാഴ്ച്ച രാത്രി ഒമ്പത് മണിക്കാണ്‌ ഹൈദരാബാദില്‍ നിന്ന് സിന്ധു കേരളത്തിലെത്തിയത്. വൈകുന്നേരം തിരുവനന്തപുരം ജിമ്മി ജോര്‍ജ് സ്റ്റേഡിയത്തില് നടക്കുന്ന ചടങ്ങില്‍ കേരളം സിന്ധുവിനെ ആദരിക്കും. മുഖ്യമന്ത്രി പിണറായി വിജയന്‍ 10 ലക്ഷം രൂപയുടെ ചെക്കും ഉപഹാരവും സമ്മാനിക്കും.
സെന്‍ട്രല്‍ സ്റ്റേഡിയത്തില് നിന്ന് ഘോഷയാത്രയായി താരത്തെ വേദിയിലെത്തിക്കും. ഒളിമ്പിക്‌സില്‍ വെള്ളി മെഡല്‍ നേടിയ ശേഷം സിന്ധു കേരളത്തിലെത്തിയിരുന്നു. അതിനുശേഷം ഇത് ആദ്യമായാണ് കേരളത്തിലെത്തുന്നത്.
Discussion about this post