സാമൂഹികമാധ്യമങ്ങളിലൂടെ ബിഷപ്പ് ഫ്രാങ്കോ മുളയ്ക്കല്‍ അപമാനിക്കുന്നുവെന്ന് ബലാല്‍സംഗക്കേസിലെ പരാതിക്കാരിയായ കന്യാസ്ത്രീ.അനുയായികളെ ഉപയോഗിച്ച് യു ട്യൂബ് ചാനലുണ്ടാക്കി അവയിലൂടെ അപകീര്‍ത്തികരമായ വീഡിയോകള്‍ പുറത്തിറക്കുന്നുവെന്ന് കന്യാസ്ത്രീ പരാതിയില്‍ പറയുന്നു.
ഇക്കാര്യങ്ങള്‍ ചൂണ്ടിക്കാണിച്ച് ദേശീയ വനിതാ കമ്മീഷനും സംസ്ഥാന വനിതാ കമ്മീഷനും കന്യാസ്ത്രീ പരാതി നല്‍കി. ഒക്ടോബര്‍ 19നാണ് കന്യാസ്ത്രീ പരാതി നല്‍കിയത്.
വീഡിയോ ലിങ്കുകള്‍ ഉള്‍പ്പെടെ പരാതിയില്‍ പരാമര്‍ശിക്കുന്നുണ്ട്. തന്നെ തിരിച്ചറിയും വിധത്തിലാണ് വീഡിയോകള്‍ തയ്യാറാക്കായിരിക്കുന്നതെന്നും കന്യാസ്ത്രീ പരാതിയില്‍ വ്യക്തമാക്കുന്നു. ‘ക്രിസ്ത്യന്‍ ടൈംസ്’ എന്ന യു ട്യൂബ് ചാനലിന്റെ പേര് പരാതിയില്‍ പ്രത്യേകം പരാമര്‍ശിക്കുന്നുണ്ട്.
ഫ്രാങ്കോ മുളയ്ക്കലിനെതിരായ ബലാല്‍സംഗക്കേസില്‍ നവംബര്‍ പതിനൊന്നിനാണ് വിചാരണ ആരംഭിക്കുന്നത്.
Discussion about this post