ആഗോള ആയുധ വ്യാപാരത്തിൽ, ഇറക്കുമതിയിൽ രണ്ടാം സ്ഥാനം നിലനിർത്തി ഇന്ത്യ.അതേസമയം, ആയുധം കയറ്റുമതി ചെയ്യുന്ന രാജ്യങ്ങളുടെ പട്ടികയിൽ ഇന്ത്യ ഇരുപത്തിമൂന്നാം സ്ഥാനത്താണ്. ആയുധ വിൽപ്പനയിൽ മികച്ച നിൽക്കുന്ന രാജ്യങ്ങൾ റഷ്യ, ഇസ്രായേൽ, ഫ്രാൻസ്, അമേരിക്ക എന്നിവയാണ്.
അന്താരാഷ്ട്ര ആയുധ വ്യാപാരങ്ങളുടെ വിശദവിവരങ്ങളടങ്ങിയ പട്ടിക പുറത്തുവിട്ടത് സ്വീഡനിലെ സ്റ്റോക്ക്ഹോം ഇന്റർനാഷണൽ പീസ് റിസർച്ച് ഇൻസ്റ്റിറ്റ്യൂട്ട് ആണ്. തിങ്കളാഴ്ച പുറത്തിറങ്ങിയ പട്ടികയിൽ, 2015 മുതൽ 2019 വരെയുള്ള കാലഘട്ടത്തിൽ നടന്ന ആഗോള ആയുധ ഇറക്കുമതിയുടെ 9.2 ശതമാനം ഇന്ത്യയ്ക്കു വേണ്ടിയാണ്.ഒന്നാം സ്ഥാനത്തു നിൽക്കുന്ന സൗദി അറേബ്യയുടെ ആയുധ ഇറക്കുമതിയുടെ കണക്ക് 12 ശതമാനവും, ചൈന 4.3 ശതമാനവുമാണ്.പതിനൊന്നാം സ്ഥാനത്തു നിൽക്കുന്ന പാകിസ്ഥാൻ 2.6 ശതമാനമാണ് ഇറക്കുമതിയുടെ പങ്കു കയ്യാളുന്നത്.
Discussion about this post