സസ്പെൻഷനിലായിരുന്ന ശ്രീരാം വെങ്കിട്ടരാമൻ ഐ.എ.എസ് സർവീസിൽ മടങ്ങിയെത്തുന്നു. ആരോഗ്യവകുപ്പിലേക്കാണ് നിയമനം. ഡോക്ടർ കൂടിയായ ശ്രീറാമിനെ കോവിഡ് നിയന്ത്രണ ചുമതലയുള്ള സ്പെഷ്യൽ ഓഫീസറായാണ് തിരിച്ചെടുക്കുന്നതെന്നാണ് റിപ്പോർട്ടുകൾ.
മാധ്യമ പ്രവർത്തകൻ കെ.എം ബഷീർ കാറിടിച്ചു മരിച്ച കേസിൽ സസ്പെൻഷനിലായിരുന്നു മദ്യപിച്ച് വാഹനമോടിച്ച ശ്രീറാം വെങ്കിട്ടരാമൻ.സസ്പെൻഷൻ കാലാവധി നീട്ടിയതിനെതിരെ ശ്രീറാം സെൻട്രൽ അഡ്മിനിസ്ട്രേറ്റീവ് സർവീസിനെ സമീപിച്ചിരുന്നു.കേസിൽ ശ്രീറാമിനെതിരെ തെളിവില്ലെന്ന് അന്വേഷണ ഉദ്യോഗസ്ഥൻ സഞ്ജയ് ഗാർഗ് ഐ.എ.എസ് റിപ്പോർട്ട് കൊടുത്തിരുന്നു. മാത്രമല്ല, വകുപ്പുതല അന്വേഷണ റിപ്പോർട്ടിൽ ശ്രീറാം വെങ്കട്ടരാമൻ കുറ്റക്കാരനല്ലെന്നാണ് വിവരങ്ങൾ.കൂടുതൽ അന്വേഷണം നടത്താനും കോടതി വിധിയുടെ അടിസ്ഥാനത്തിൽ മാത്രം സർക്കാർ നടപടിയെടുക്കാനുമാണ് സാധ്യതകൾ.
