ഇരുന്നൂറോളം രാജ്യങ്ങളിൽ പടർന്നുപിടിക്കുന്ന കോവിൽ രോഗബാധയുടെ പശ്ചാത്തലത്തിൽ ഈവർഷം നടക്കേണ്ടിയിരുന്ന ഒളിമ്പിക്സ് മാറ്റിവെച്ചു.ജപ്പാൻ പ്രധാനമന്ത്രി ഷിൻസോ ആബേയാണ് ഇക്കാര്യം സ്ഥിരീകരിച്ചത്.
ഈ വർഷം ജൂലൈ 24ന് ജപ്പാനിൽ നടക്കേണ്ടിയിരുന്ന ഒളിമ്പിക്സ്, അടുത്ത വർഷം വേനലിന് ജപ്പാനിൽ തന്നെയായിരിക്കും ആരംഭിക്കുക. ജപ്പാനും അന്താരാഷ്ട്ര ഒളിമ്പിക് കമ്മിറ്റിയും ഇക്കാര്യത്തിൽ ധാരണയിൽ എത്തുകയായിരുന്നു.കോവിഡ്-19 പടർന്നു പിടിക്കുന്ന പശ്ചാത്തലത്തിൽ, ജപ്പാനിലേക്ക് ടീമിനെ അയക്കാൻ ബ്രിട്ടനടക്കം പല രാജ്യങ്ങളും വിസമ്മതിച്ചിരുന്നു.തങ്ങളുടെ മത്സരാർത്ഥികളെ അയക്കില്ലെന്ന ഓസ്ട്രേലിയ, കാനഡ എന്നീ രാജ്യങ്ങളുടെ നിലപാടും, മത്സരത്തിൽ പങ്കെടുക്കാൻ താൽപ്പര്യമില്ലെന്ന കായിക താരങ്ങളുടെ അഭിപ്രായങ്ങളും കണക്കിലെടുത്താണ് അധികൃതർ ഒളിമ്പിക്സ് മാറ്റിവച്ചത്.
Discussion about this post