കേന്ദ്ര സർക്കാർ അധീനതയിലുള്ള പ്രതിരോധമേഖല, കേന്ദ്ര സായുധ പോലീസ് ഫോഴ്സുകൾ, ട്രഷറി, അവശ്യവസ്തുക്കളായ പെട്രോളിയം, സി.എൻ.ജി, എൽ.പി.ജി, പി.എൻ.ജി എന്നിവയും, ദുരന്ത നിവാരണ വകുപ്പ്, ഊർജ്ജോൽപാദനം, തപാൽ, ദേശീയ ഇൻഫോർമാറ്റിക്സ് സെന്റർ, അടിയന്തര മുന്നറിയിപ്പ് സംവിധാനങ്ങൾ എന്നിവയും ലോക്ഡൗണിൽ തുറന്നു പ്രവർത്തിക്കും.
സംസ്ഥാന സർക്കാർ അധീനതയിലുള്ള പോലീസ്, ഹോംഗാർഡ്, സിവിൽ ഡിഫൻസ്, ആരോഗ്യവകുപ്പ്, അഗ്നിശമനസേന, ദുരന്ത നിവാരണ സേന, എന്നിവയും, പ്രാദേശിക ജില്ലാ ഭരണ സംവിധാനത്തിന് കീഴിലുള്ള വൈദ്യുതി, വെള്ളം, ട്രഷറി, മുനിസിപ്പൽ ഭരണസംവിധാനത്തിലെ അവശ്യ വിഭാഗങ്ങൾ, ആരോഗ്യ വിഭാഗം, ജലവിതരണ വിഭാഗം എന്നിവയും തുറന്നു പ്രവർത്തിക്കും.
ആരോഗ്യ വിഭാഗത്തിൽ, ഡിസ്പെൻസറികൾ,ആശുപത്രികൾ, മെഡിക്കൽ ഷോപ്പുകൾ, മെഡിക്കൽ ഉപകരണങ്ങൾ വിൽക്കുന്ന കടകൾ, ആതുരസേവനവുമായി ബന്ധപ്പെട്ട യാത്രാ വിഭാഗങ്ങൾ, നഴ്സുമാർ,പാരാമെഡിക്കൽ സ്റ്റാഫ് എന്നീ വിഭാഗങ്ങൾക്ക് ലോക്ഡൗൺ ബാധകമല്ല. ബാങ്കുകൾ ഇൻഷുറൻസ് ഓഫീസുകൾ,എടിഎമ്മുകൾ, പ്രിന്റിംഗ്& ഇലക്ട്രോണിക് മാധ്യമങ്ങൾ ടെലിഫോൺ,ഇന്റർനെറ്റ് സർവീസുകൾ, കേബിൾ & സംപ്രേഷണ വിഭാഗങ്ങൾ, റേഷൻ കടകൾ, പലചരക്ക് കടകൾ, പാലും പാലുല്പന്നങ്ങളും വിൽക്കുന്ന കടകൾ, മത്സ്യവും മാംസവും വിൽക്കുന്ന കടകൾ എന്നിവയ്ക്കും തുറക്കാൻ അനുമതിയുണ്ടെങ്കിലും, ഇതിലെ അന്തിമ തീരുമാനം ജില്ലാ ഭരണ വകുപ്പിനായിരിക്കും. പരമാവധി ജനത്തിരക്ക് പ്രോത്സാഹിപ്പിക്കാതിരിക്കാനുള്ള നടപടികളാണ് പ്രാദേശിക ഭരണകൂടങ്ങൾ എടുക്കുന്നത്.
Discussion about this post