തിരുവനന്തപുരം: ലോക്ഡൗണിന്റെ പശ്ചാത്തലത്തില് എല്ലാവര്ക്കും ഭക്ഷ്യധാന്യങ്ങളും പലവ്യഞ്ജനങ്ങളും ഉള്പ്പെടെ 1000 രൂപയുടെ കിറ്റ് വിതരണം ചെയ്യാനുള്ള സര്ക്കാര് തീരുമാനം ഏപ്രില് ആദ്യവാരം ആരംഭിക്കും. സൗജന്യ റേഷന് വിതരണം ഏപ്രില് ഒന്നിനും ആരംഭിക്കും.
17 ഇനം സാധനങ്ങളുള്ള കിറ്റ് റേഷന് കടകള് ആയിരിക്കും വിതരണം ചെയ്യുക. കൊറോണ വൈറസ് സമൂഹവ്യാപനത്തിന്റെ ആശങ്ക ഉണ്ടാവുകയാണെങ്കില് വൊളന്റിയര്മാര് മുഖേന വീടുകളില് കിറ്റ് എത്തിക്കും. എല്ലാവര്ക്കും 15 കിലോഗ്രാം അരി നല്കുന്നതിനാല് കിറ്റില് അരി ഉണ്ടാകില്ല.
സംസ്ഥാനത്ത് 87.14 ലക്ഷം കാര്ഡ് ഉടമകളാണുള്ളത്. ആദ്യഘട്ടത്തില് അന്ത്യോദയ അന്നയോജന വിഭാഗത്തില് ഉള്പ്പെട്ട (മഞ്ഞ കാര്ഡ്) 5 ലക്ഷം പേര്ക്കാണു നല്കുന്നത്. പിന്നാലെ മുന്ഗണനാവിഭാഗത്തിലുള്ള (പിങ്ക് കാര്ഡ്) 31 ലക്ഷം പേര്ക്ക് കിറ്റ് നല്കും. അതിനുശേഷം മുന്ഗണനേതര വിഭാഗം-സബ്സിഡി (നീല കാര്ഡ്), മുന്ഗണനേതര വിഭാഗം (വെള്ള കാര്ഡ്) എന്നീ ക്രമത്തില് നല്കും.
ഭക്ഷ്യധാന്യ കിറ്റ് ആവശ്യമില്ലാത്തവര് എസ്എംഎസ് വഴി വിവരം അറിയിക്കാന് മുഖ്യമന്ത്രി ഇന്നലെ നിര്ദേശം നല്കിയിരുന്നു.
Discussion about this post