ഡല്ഹി:കൊറോണ വൈറസ് വ്യാപനത്തിന്റെ സാഹചര്യത്തില് ഇറാനില് നിന്ന് ഒഴിപ്പിച്ച 275 ഇന്ത്യന് പൗരന്മാരെ രാജ്യത്തെത്തിച്ചു. രാജസ്ഥാനിലെ ജോധ്പൂരിലെ സൈനിക കേന്ദ്രത്തിലേക്കാണ് ഇവരെ എത്തിച്ചത്. ഇറാനില് നിന്നെത്തിക്കുന്ന ആറാമത്തെ സംഘമാണിത്. ഇവരില് കൂടുതലും തീര്ഥാടകരും വിദ്യാര്ത്ഥികളും ആണ് ഉള്പ്പെടുന്നത്.
ഈ മാസം ആദ്യം ഇറാനില് നിന്ന് എത്തിച്ച 277 ഇന്ത്യക്കാര് സൈനിക കേന്ദ്രത്തിലല് നിരീക്ഷണത്തിലാണ്.മാനെസര്, ജയ്സാല്മീര്, ജോധ്പൂര് എന്നിവിടങ്ങളില് ആണ് ഇറാന്, ഇറ്റലി, മലേഷ്യ എന്നീ രാജ്യത്തുനിന്നു എത്തിയവരെ നിരീക്ഷണത്തില് താമസിപ്പിച്ചിരിക്കുന്നത്. ഇവര്ക്ക് ഇപ്പോള് സൈന്യം ഇപ്പോള് മെഡിക്കല് സൗകര്യങ്ങള് ഏര്പ്പെടുത്തിയിട്ടുണ്ട്.
രാജസ്ഥാന് മെഡിക്കല് അധികാരികളുമായും സിവില് അഡ്മിനിസ്ട്രേഷനുമായും ഏകോപിപ്പിച്ച് സൈന്യം മതിയായ മെഡിക്കല്, അഡ്മിനിസ്ട്രേറ്റീവ് ക്രമീകരണങ്ങള് ഇവര്ക്കായി ഏര്പ്പെടുത്തിയിട്ടുണ്ട്. താമസവും ചികിത്സയും ഉറപ്പാക്കുമെന്ന് പ്രതിരോധ വക്താവ് നേരത്തെ പറഞ്ഞിരുന്നു.
Discussion about this post