കോവിഡ് മഹാമാരി കൊടുമ്പിരിക്കൊണ്ടിരിക്കുന്ന സാഹചര്യത്തിൽ, പ്രവാസി ഭാരതീയരുടെ സംരക്ഷണവും ക്ഷേമവും ഉറപ്പു വരുത്തണം എന്ന് പ്രധാനമന്ത്രി നരേന്ദ്ര മോദി ആവശ്യപ്പെട്ടു. ഗൾഫ് രാഷ്ട്രത്തലവന്മാരുമായി ഇന്ന് നടന്ന ടെലിഫോൺ ചർച്ചയിലാണ് പ്രധാനമന്ത്രി ഇക്കാര്യം ഉന്നയിച്ചത്. സൗദി കിരീടാവകാശി, അബുദാബി കിരീടാവകാശി, ഖത്തർ അമീർ, കുവൈറ്റ് പ്രധാനമന്ത്രി, ബഹറിൻ രാജാവ് എന്നിവരുമായാണ് പ്രധാനമന്ത്രി ചർച്ച നടത്തിയത്.
ഇന്ത്യൻ പ്രവാസികളുടെ ക്ഷേമം ഉറപ്പു വരുത്താൻ വേണ്ടതെല്ലാം തീർച്ചയായും ചെയ്യുമെന്ന് ഗൾഫ് രാഷ്ട്രത്തലവന്മാർ ഉറപ്പുകൊടുത്തുവെന്ന് കേന്ദ്ര സർക്കാർ വൃത്തങ്ങൾ അറിയിച്ചു.പ്രവാസികൾ അനുഭവിക്കുന്ന പ്രശ്നങ്ങളെ കുറിച്ച് ഇറാനിലെയും, യു.എ.ഇയിലേയും അംബാസഡർമാരുമായും പ്രധാനമന്ത്രി ചർച്ച നടത്തിയിരുന്നു.ലോക്ഡൗൺ കൂടി പ്രഖ്യാപിച്ചിരിക്കുന്ന സാഹചര്യത്തിൽ വിദേശ ഇന്ത്യക്കാരുടെ കാര്യത്തിൽ പ്രത്യേക ശ്രദ്ധ വേണമെന്ന് അദ്ദേഹം ആവശ്യപ്പെട്ടു.
Discussion about this post