കോവിഡ് മഹാമാരിയെത്തുടർന്ന് രാജ്യവ്യാപകമായി ഏർപ്പെടുത്തിയ ലോക്ഡൗൺ, ഘട്ടംഘട്ടമായി പിൻവലിച്ചാൽ മതിയെന്ന നിലപാട് വെളിപ്പെടുത്തി കേരളം. ഇന്നലെ വൈകീട്ട് കേന്ദ്ര ആഭ്യന്തര മന്ത്രി അമിത് ഷാ കേരള സർക്കാരിന്റെ നിലപാടാരാഞ്ഞ് മുഖ്യമന്ത്രിയെ ബന്ധപ്പെട്ടിരുന്നു. അപ്പോഴാണ് സംസ്ഥാന സർക്കാരിന്റെ നിലപാട് മുഖ്യമന്ത്രി അമിത്ഷായെ അറിയിച്ചത്.
നിയന്ത്രണങ്ങളിൽ ഇളവ് വരുത്തുന്നത് രോഗവ്യാപനത്തിന്റെ തോത് പരിഗണിച്ചു മതിയെന്നും മുഖ്യമന്ത്രി അഭിപ്രായപ്പെട്ടു.നിലവിൽ മെയ് മൂന്നുവരെ രാജ്യവ്യാപകമായി അടച്ചിടൽ നിർദ്ദേശിച്ചിട്ടുണ്ട്.പക്ഷേ,ആറോളം സംസ്ഥാനങ്ങൾ ലോക്ഡൗൺ നീട്ടണമെന്ന അഭിപ്രായവുമായി കേന്ദ്ര സർക്കാരിനെ സമീപിച്ചിട്ടുണ്ട്.പഞ്ചാബ്, മധ്യപ്രദേശ്, ഒഡീഷ, മഹാരാഷ്ട്ര, ഡൽഹി, പശ്ചിമബംഗാൾ എന്നീ സംസ്ഥാനങ്ങളാണ് ലോക്ഡൗൺ നീട്ടണമെന്ന അഭിപ്രായവുമായി കേന്ദ്ര സർക്കാരിനെ സമീപിച്ചത്.
Discussion about this post