ലഖ്നൗ: ആരോഗ്യ പ്രവർത്തകരെ ആക്രമിച്ച കേസിൽ ഭീം ആർമി നേതാവിനെതിരെ പകർച്ചവ്യാധി നിയമപ്രകാരം കേസെടുത്ത് ഉത്തർ പ്രദേശ് സർക്കാർ. മുസാഫര് നഗറില് ആരോഗ്യ പ്രവര്ത്തകരെ ആക്രമിച്ചതിന് ഭീം ആര്മി ജില്ലാ പ്രസിഡന്റ് ഉപകര് ബാവ്രയെയാണ് ഉത്തര്പ്രദേശ് പോലീസ് അറസ്റ്റ് ചെയ്തത്.
മുസാഫര് നഗർ ജില്ലയിലെ പൂര്കാജി പ്രദേശത്ത് നിന്ന് വന്നവര്ക്ക് ചികിത്സ നല്കുന്നതുമായി ബന്ധപ്പെട്ട തര്ക്കത്തിനിടെയാണ് ഇയാൾ ആരോഗ്യ പ്രവർത്തകരെ ആക്രമിച്ചത്. സംഭവത്തെ തുടര്ന്ന് ബാവ്രക്കെതിരെ ആരോഗ്യ പ്രവർത്തകർ പരാതി നൽകുകയായിരുന്നു.
പകർച്ചവ്യാധി നിയമലംഘനം, ശാരീരികമായ ആക്രമണം, ജോലി തടസ്സപ്പെടുത്തൽ, ഭീഷണിപ്പെടുത്തൽ തുടങ്ങിയ കുറ്റങ്ങളാണ് ഇയാൾക്കെതിരെ ചുമത്തിയിരിക്കുന്നതെന്ന് ഉത്തർ പ്രദേശ് പൊലീസ് അറിയിച്ചു.
ആരോഗ്യ പ്രവർത്തകരെ ആക്രമിക്കുന്നവർക്കെതിരെ കർശന നടപടി സ്വീകരിക്കുമെന്ന് ഉത്തർ പ്രദേശ് മുഖ്യമന്ത്രി യോഗി ആദിത്യനാഥ് നേരത്തെ വ്യക്തമാക്കിയിരുന്നു. ഇത്തരക്കാർക്കെതിരെ ദേശസുരക്ഷാ നിയമപ്രകാരം കേസെടുക്കാനും അദ്ദേഹം ഉത്തരവിട്ടിരുന്നു.
Discussion about this post