ശശിശങ്കര് മക്കര– In Facebook
ഗുരുവായൂര് ക്ഷേത്രത്തിനു ‘മാഹാത്മ്യം’ ഇല്ല.
ഗുരുവായൂര് ക്ഷേത്ര മാഹാത്മ്യം, അല്ലെങ്കില് അത് സംബന്ധിച്ച പുരാണ കഥകള്, ഐതിഹ്യങ്ങള്, ഇവയൊക്കെ എങ്ങനെയാണ് അറിയുന്നത്?
ഒരാഴ്ച മുന്പാ്ണ് ഒരു സുഹൃത്ത്, ഗുരുവായൂര് ക്ഷേത്ര മാഹാത്മ്യം സംബന്ധിച്ച് ഒരു സംശയം ചോദിച്ചത്. ക്ഷേത്ര പ്രതിഷ്ടയെപ്പറ്റിയാണ് സംശയം. ഉടനെ അറിഞ്ഞേ പറ്റൂ. ക്ഷേത്രവുമായി ബന്ധപ്പെട്ട പുരാണങ്ങളും ഐതിഹ്യങ്ങളും നന്നായി അറിയാവുന്ന ആളാണ് കക്ഷി.. അതുകൊണ്ട് , എന്തെങ്കിലും പറഞ്ഞു രക്ഷപ്പെടാന് കഴിയില്ല. പുരാണ കഥകളില് വൈദഗ്ധ്യമില്ലാത്തതുകൊണ്ട് അന്വേഷിച്ചു പറയാം എന്ന് പറഞ്ഞു.
പുസ്തകങ്ങള് ഒന്നും കയ്യിലില്ലാത്തതിനാല് എളുപ്പ വഴി ക്ഷേത്രത്തിന്റെ വെബ്സൈറ്റ് നോക്കുകയാണല്ലോ എന്ന് കരുതി. ആധികാരികമായ വിവരം ലഭിക്കുമല്ലോ. .ഇന്ഗ്ലീഷിലുള്ള വെബ്സൈറ്റിലെ മെനുവില് temple എന്നൊരു ഐറ്റം ഉണ്ട്. അത് തുറന്നാല് ‘mahatmyam’ എന്നും ‘history’ എന്നും കാണാം. mahatmyam തുറന്നു നോക്കി. ഒരു ചെറിയ പാരഗ്രാഫ്. ഭാരതത്തില് പുരാതന കാലം മുതല് ക്ഷേത്രങ്ങള് ഉണ്ടായിരുന്നു. കാശി, രാമേശ്വരം എന്നിവ……കൊണാര്ക്ക്, ഖജുരാഹോ എന്നിവടങ്ങളിലെ ശില്പകല വിശിഷ്ടമാണ്……..അവിടെ തീര്ഥാ ടകര് മാത്രമല്ല, ടൂറിസ്റ്റുകളും പോകാറുണ്ട് ; ഗുരുവായൂര് ക്ഷേത്രത്തിന്റെ പ്രത്യേകത അതിന്റെ വിഷ്ണു പ്രതിഷ്ടയാണ്……. പൂജാ ക്രമം ചിട്ടപ്പെടുത്തിയത് ശങ്കരാചാര്യരാണ്. അത് രേഖപ്പെടുത്തിയത് ചേന്നാസ് നമ്പൂതിരിയാണ്, ചേന്നാസ് നമ്പൂതിരി കുടുംബമാണ് പാരമ്പര്യ തന്ത്രികള്, ജനങ്ങള് ബാലകൃഷ്ണന് അഥവാ ഉണ്ണികൃഷ്ണന് എന്നാണു പ്രതിഷ്ടയെ വിളിക്കുന്നത്.തീര്ന്നു . ഫുള് സ്റ്റോപ്പ്.
അല്ലാ, ഈ മാഹാത്മ്യം എന്ന് പറഞ്ഞാല് ഇതൊക്കെയാണോ?. ഗുരുവും വായുവുമൊക്കെ കൂടി പ്രതിഷ്ഠ നടത്തിയ കഥകളല്ലേ?. വൈകുണ്ഡത്തില് നിന്ന് വിഗ്രഹം ബ്രഹ്മാവിന്റെ കയ്യില് വരുന്നതും, അത് സുതപസ്സ് , പൃശ്നി എന്നീ ദമ്പതികള്ക്ക് നല്കു്ന്നതും, അവര് പിന്നീടുള്ള ജന്മങ്ങളില് കാശ്യപനും അദിതിയുമായും, വസുദേവരും ദേവകിയുമായും ജനിക്കുന്നതും , കൃഷ്ണന്റെ കയ്യില് വിഗ്രഹം എത്തുന്നതും, വീണ്ടും പല പല കൈകള് മറിഞ്ഞു ഈ വിഗ്രഹം ഇപ്പോഴുള്ള സ്ഥലത്ത് പ്രതിഷ്ടിക്കുന്നതും, ഇടയ്ക്ക് പരശുരാമനും, ശിവ പാര്വ്വതിമാരും ഒക്കെ നടത്തുന്ന ഇടപെടലുകളും, ഇതെല്ലാം കൂടിയതാണ് ക്ഷേത്ര മാഹാത്മ്യം എന്നാണ് ധരിച്ചു വെച്ചിരുന്നത്.. പുറമേ നിരവധി ഐതിഹ്യങ്ങളും.
പക്ഷെ, ദേവസ്വം അങ്ങിനെയല്ലാ കരുതുന്നത്.ഗുരുവായൂരിനു വേണ്ടി ചിലവാക്കിയതിനേക്കാള് സ്ഥലം കൊണാര്ക്കിനും ഖജുരാഹോയ്ക്കുമുണ്ട്.
ശങ്കരാചാര്യരുടെയും ചേന്നാസിന്റെയും കാര്യങ്ങള് മാഹാത്മ്യത്തിലാണോ വരേണ്ടത്? അത് ചരിത്രം എന്ന ഭാഗത്തല്ലേ വരേണ്ടത് എന്നുമൊരു സംശയം. ഏതായാലും ചരിത്രം എന്ന ഭാഗം കൂടി ഒന്ന് നോക്കാം എന്ന് വിചാരിച്ചു. ഒരു ചെറിയ പാരഗ്രാഫ് അവിടെയും ഉണ്ട്. കാര്യമായൊന്നുമില്ല ‘early history’ എന്നൊരു സബ് ഹെഡിംഗ് നല്കി്യാണ് വിവരണം. പിന്നീടുള്ള ചരിത്രം പുറകെ വരുമായിരിക്കും.
ഇങ്ങനെയൊക്കെയാണോ എല്ലാ മഹാ ക്ഷേത്രങ്ങളിലും കാര്യങ്ങള് എന്നറിയാന് തിരുപ്പതി ക്ഷേത്രത്തിന്റെ സൈറ്റില് പോയി നോക്കി. അല്ലേയല്ല. ക്ഷേത്രവുമായി ബന്ധപ്പെട്ട് ഏതൊക്കെ പുരാണങ്ങളില് എന്തൊക്കെ പരാമര്ശ്മുണ്ട് എന്നതിന്റെ വിശദമായ ലിസ്റ്റുണ്ട്. ഉപ ക്ഷേത്രങ്ങളുമായി ബന്ധപ്പെട്ട പുരാണ കഥകളുമുണ്ട്.ചരിത്രം മറ്റൊരു പേജിലുമുണ്ട്..
ഇന്നിപ്പോള് ഗുരുവായൂര് ക്ഷേത്രം അല്പം വിവാദത്തില് ആയ സമയത്ത് ഈ കാര്യം ഓര്ത്തുപോയതാണ്. ലോക്ക് ഡൌണ് കാലത്ത് പേരക്കുട്ടിക്ക് കഥ പറഞ്ഞു കൊടുക്കാനായിരുന്നു സുഹൃത്ത് വിളിച്ചത്. സുതപസ്സ് , പൃശ്നി എന്നീ പേരുകള് മറന്നു പോയതായിരുന്നു പ്രശ്നം. അത് പിന്നീട് മറ്റു സൈറ്റുകളില് നിന്ന് കണ്ടു പിടിച്ചു പറഞ്ഞു കൊടുത്തു. ഗുരുവായൂരപ്പന്റെ കാര്യങ്ങള് അറിയാന് ഏതായാലും എവിടെ അന്വേഷിക്കരുത് എന്ന് മനസ്സിലായി. കുറ്റം പറയാന് കഴിയില്ല. സര്ക്കാര് സ്ഥാപനമല്ലേ, വെബ്സൈറ്റ് സെക്കുലറാണ്. എന്നാലും ഈ ഖജുരാഹോ മാഹാത്മ്യം. അത് വേണമായിരുന്നോ?
https://www.facebook.com/sasisankarm/posts/3759100810827776
