ഡൽഹിയിൽ ജോലി ചെയ്യുന്ന ഡോക്ടർമാർക്കെതിരെ ബഹിഷ്കരണവും വിവേചനവും നടക്കുന്നുവെന്ന് പരാതി. ഉത്തർപ്രദേശിൽ, ഗാസിയാബാദിലെ നീൽപദം കുഞ്ജ് സൊസൈറ്റിയിലാണ് സംഭവം റിപ്പോർട്ട് ചെയ്യപ്പെട്ടിട്ടുള്ളത്. ഡൽഹിയിൽ ജോലിചെയ്യുന്ന ഡോക്ടർമാരോട് കോവിഡ് കാലഘട്ടം തീരുന്നതുവരെ തൽക്കാലികമായി മറ്റൊരു താമസസ്ഥലം നോക്കാനാണ് അപ്പാർട്ട്മെന്റ് ഉടമസ്ഥരുടെ അസോസിയേഷൻ പുറത്തിറക്കിയ സർക്കുലറിൽ ആവശ്യപ്പെടുന്നത്.അപ്പാർട്ട്മെന്റിന് ഉള്ളിലേക്ക് ഇവരുടെ പ്രവേശനവും അസോസിയേഷൻ നിരോധിച്ചിട്ടുണ്ട്.കോവിഡ് യുദ്ധമുഖത്തു പ്രവർത്തിക്കുന്നതിനാൽ ഇവരിൽ നിന്നും എളുപ്പം മറ്റുള്ളവർക്ക് രോഗം പകരുമെന്ന ന്യായമാണ് അസോസിയേഷൻ മുന്നോട്ടു വയ്ക്കുന്നത്.
സംഭവത്തെത്തുടർന്ന് എയിംസിലെ ഡോക്ടർമാരുടെ സംഘടന കേന്ദ്ര ആഭ്യന്തര മന്ത്രി അമിത് ഷായ്ക്ക് പരാതി നൽകിയിട്ടുണ്ട്. ഡൽഹി -യുപി അതിർത്തി കടക്കാൻ പാസ് നിർബന്ധമാക്കിയ നടപടി ഡോക്ടർമാരടക്കമുള്ള മെഡിക്കൽ ടീമിന് വളരെ ബുദ്ധിമുട്ടുണ്ടാക്കുന്നുവെന്നും കത്തിൽ സൂചിപ്പിക്കുന്നു.
Discussion about this post