ഇന്നലെ ബാംഗ്ലൂർ നഗരത്തെ വിറപ്പിച്ചുകൊണ്ട് മുഴങ്ങിയ വലിയ ശബ്ദത്തിനു പിന്നിലെ രഹസ്യം വെളിപ്പെടുത്തി വ്യോമസേന. ഇന്നലെ ഉച്ചയ്ക്ക് ഒന്നരയോടെ, ബാംഗ്ലൂർ എയർപോർട്ടിൽ നിന്നും പറന്നു പൊങ്ങിയ ഒരു ഫൈറ്റർ ജെറ്റ് പൈലറ്റ് ഒപ്പിച്ച വേലയാണ് നഗരത്തെ മൊത്തം ഞെട്ടിച്ചത്.ഇടയ്ക്ക് നടക്കുന്ന ഫ്ളൈറ്റ് ടെസ്റ്റിന്റെ ഭാഗമായി പറക്കവേ, ശബ്ദത്തേക്കാൾ കൂടുതൽ വേഗതയാർജിക്കുന്ന സൂപ്പർസോണിക് പ്രൊഫൈലിലേക്ക് നിമിഷനേരംകൊണ്ട് സ്വിച് ചെയ്തതിന്റെ ഫലമായിരുന്നു ബാംഗ്ലൂരിനെ വിറപ്പിച്ച ആ സ്ഫോടന ശബ്ദം.
സെക്കൻഡുകൾ കൊണ്ട് എൻജിന്റെ പരമാവധി ശക്തിയിൽ ഫുൾ സ്വിങ്ങിൽ യുദ്ധവിമാനം മുന്നോട്ടു കുടിച്ചപ്പോഴാണ് ‘സോണിക് ബൂം’ എന്ന ഓമനപ്പേരിൽ അറിയപ്പെടുന്ന ആ വലിയ ശബ്ദമുണ്ടായതെന്ന് വ്യോമസേന വക്താവ് ഇന്നലെ ട്വിറ്ററിൽ വെളിപ്പെടുത്തി. ഈ ശബ്ദം സാധാരണഗതിയിൽ അറുപതു മുതൽ എൺപത് കിലോമീറ്റർ ചുറ്റളവിൽ കേൾക്കാൻ സാധിക്കും.
Discussion about this post