കുടിയേറ്റ തൊഴിലാളികളെ നാട്ടിലെത്തിച്ച ബോളിവുഡ് നടൻ സോനു സൂദിനെ പരിഹസിച്ച് ശിവസേന.സോനു സൂദ് കേരളത്തിൽ കുടുങ്ങിക്കിടന്ന 150 ഓളം സ്ത്രീകളെ ഒഡീഷയിലേക്ക് ചാറ്റ് ഫ്ലൈറ്റിൽ എത്തിച്ചിരുന്നു. ഇതു കൂടാതെ നിരവധി ഭക്ഷണം ട്രെയിനുകളും വഴി കുടിയേറ്റ തൊഴിലാളികളെ സ്വന്തം നാടുകളിലേക്ക് തിരിച്ചുപോകാൻ നടൻ സഹായിച്ചിരുന്നു.ശിവസേന നേതാവ് സഞ്ജയ് റാവത്ത്, സോനുവിനെ മഹാത്മ എന്ന് വിളിച്ചു പരിഹസിച്ചു.പാർട്ടി മുഖപത്രമായ സാമ്നയിൽ ” അധികം വൈകാതെ സോനു പ്രധാനമന്ത്രിയെ കാണും, മുംബൈയിലെ സെലിബ്രിറ്റി മാനേജറായി നിയമിതനാകും” എന്നാണ് റാവത്ത്, സോനുവിനെ പരാമർശിച്ച് അഭിപ്രായപ്പെട്ടത്.
എന്നാൽ, സോനു സൗദിയെ പ്രതിരോധിച്ച് ശിവസേനയുടെ തന്നെ സഖ്യകക്ഷി എൻസിപി രംഗത്തു വന്നു.താരം ചെയ്തത് തീർച്ചയായും വളരെ നല്ലൊരു കാര്യമാണ് എന്ന് എൻ.സി.പി നേതാവ് മജീദ് മേമൻ അഭിപ്രായപ്പെട്ടു.സോനുവിനെ വിമർശിക്കേണ്ട കാര്യമില്ലെന്നും, പക്ഷേ, നല്ല കാര്യങ്ങൾ ചെയ്യുന്നവരെ പുകഴ്ത്താൻ മഹാത്മാ എന്ന പദം ഉപയോഗിക്കരുതെന്നും മേമൻ അഭിപ്രായപ്പെട്ടു.മഹാത്മ ഒരാളേയുള്ളൂ, നിരവധി പേർക്ക് ആ വിശേഷണം നൽകി പദത്തിന്റെ മൂല്യം കുറയ്ക്കരുതെന്നും മജീദ് മേമൻ കൂട്ടിച്ചേർത്തു.
Discussion about this post