ന്യൂഡൽഹി : ഇന്ത്യൻ സർക്കാരിന്റെ ടെൻഡറുകളിൽ നിന്നും ചൈനീസ് കമ്പനികളെ ഒഴിവാക്കണമെന്നാവശ്യപ്പെട്ട് ആർഎസ്എസിന്റെ സ്വദേശി ജാഗ്രൺ മഞ്ച്.ഗാൽവൻ വാലിയിലെ ചൈനയുടെ ആക്രമണത്തിൽ വീരമൃത്യു വരിച്ച സൈനികരോടുള്ള ആദരസൂചകമായി ജനങ്ങളോട് ചൈനീസ് നിർമിത വസ്തുക്കൾ ബഹിഷ്കരിക്കാനും സ്വദേശി ജാഗ്രൺ മഞ്ച് നിർദേശിച്ചു.
സ്വദേശി ജാഗ്രൺ മഞ്ചിന്റെ കോ-കൺവീനറായ അശ്വനി മഹജനാണ് ഈ കാര്യം ആഹ്വാനം ചെയ്തത്.സിനിമാ മേഖലയിലെ ചില താരങ്ങളും ഇന്ത്യൻ ക്രിക്കറ്റ് ടീമിന്റെ ക്യാപ്റ്റനായ വിരാട് കോഹ്ലിയും ഉൾപ്പെടെ പല ഉന്നതരും കഴിഞ്ഞ ദിവസം ചൈനീസ് നിർമിത വസ്തുക്കൾ ബഹിഷ്കരിക്കണമെന്നാവശ്യപ്പെട്ട് കൊണ്ടും ആക്രമണത്തിൽ കൊല്ലപ്പെട്ട സൈനികർക്ക് ആദരാജ്ഞലികൾ അർപ്പിച്ചു കൊണ്ടും രംഗത്തു വന്നിരുന്നു.
