തിരുവനന്തപുരം :സ്വര്ണക്കടത്ത് കേസിലെ മുഖ്യ സൂത്രധാരന് അറസ്റ്റിലായ ഫൈസല് ഫരീദിന്റെ സിനിമാ ബന്ധത്തെ കുറിച്ച് പുതിയ ആരോപണങ്ങള് ഉയരുന്നു. ഫൈസലുമായി ഇടത് സഹയാത്രികരായ കൊച്ചിയിലെ സിനിമാ ദമ്പതികള്ക്ക് ബന്ധമുണ്ടെന്നാണ് ആരോപണം. ഇക്കാര്യത്തില് സമഗ്ര അന്വേഷണം ആവശ്യപ്പെട്ട് ബിജെപി രംഗത്തെത്തി.
പുതുതലമുറ സംവിധായകരുമായും പഴയ തലമുറയിലെ ഒരു പ്രമുഖ സംവിധായകനുമായും ഫരീദിന് അടുത്ത ബന്ധമുണ്ടെന്നും സമഗ്ര അന്വേഷണം ഇക്കാര്യത്തില് വേണമെന്നും ബി.ജെ.പി സംസ്ഥാന ജനറല് സെക്രട്ടറി എം.ടി രമേശ് മാധ്യമങ്ങളോട് പറഞ്ഞു. സിനിമാ ദമ്പതികളുടെ ഫോര്ട്ട്കൊച്ചിയിലെ സ്ഥാപനത്തില് ഫൈസല് ഫരീദ് സന്ദര്ശകനാണെന്ന വിവരവും പുറത്തു വന്നിട്ടുണ്ട്. ചില സംവിധായകര് ഫരീദിന്റെ ബിനാമികളാണെന്ന ആക്ഷേപവുമുണ്ട്. ഇതേപ്പറ്റി അമ്മ അടക്കമുള്ള സിനിമാ മേഖലയിലെ സംഘടനകള് മറുപടി പറയണമെന്നും രമേശ് പറഞ്ഞു.
സമീപ കാലത്ത് ഇറങ്ങിയ ഇടതുപക്ഷത്തെ പ്രകീര്ത്തിക്കുന്ന സിനിമകള്, സംസ്ഥാനത്തെ ഒരു മന്ത്രിയെ പുകഴ്ത്തിയ സിനിമ എന്നിവയൊക്കെ സ്വര്ണക്കടത്ത് പണം ഉപയോഗിച്ച് നിര്മിച്ചവയാണെന്ന് ആക്ഷേപമുണ്ടെന്നും രമേശ് ആരോപിച്ചു.
Discussion about this post