രാമക്ഷേത്രത്തിന്റെ നിർമ്മാണത്തെ സ്വാഗതം ചെയ്തുകൊണ്ടുള്ള പ്രിയങ്ക ഗാന്ധിയുടെ പ്രസ്താവനയിൽ തനിക്ക് അത്ഭുതമൊന്നും തോന്നുന്നില്ലെന്ന് മുഖ്യമന്ത്രി പിണറായി വിജയൻ.മസ്ജിദ് തകർക്കുന്നതിനായി കർസേവകർക്ക് വാതിൽ തുറന്നു കൊടുത്തത് ആരാണെന്നത് നമുക്ക് എല്ലാവർക്കും വ്യക്തമായി അറിയാമെന്നും അതുകൊണ്ട് തന്നെ, കോൺഗ്രസ് പാർട്ടി ജനറൽ സെക്രട്ടറിയായ പ്രിയങ്ക ഗാന്ധിയുടെ നിലപാടിൽ ആശ്ചര്യമൊന്നും തോന്നുന്നില്ലെന്നും പിണറായി വിജയൻ വാർത്താ സമ്മേളനത്തിൽ വ്യക്തമാക്കി.
പ്രിയങ്ക ഗാന്ധി രാമക്ഷേത്ര നിർമ്മാണത്തെ പിന്തുണച്ചതിനെ തുടർന്ന് മുസ്ലിം ലീഗ് പ്രിയങ്കാ ഗാന്ധിക്കെതിരെ ഇന്ന് കൂടിയ യോഗത്തിൽ പ്രമേയം പാസാക്കിയിട്ടുണ്ട്.ഇന്നലെയാണ് രാമക്ഷേത്രത്തിന്റെ നിർമാണത്തെയും ഭൂമിപൂജയെയും സ്വാഗതം ചെയ്യുന്ന കാര്യം പ്രിയങ്കഗാന്ധി ട്വീറ്റ് ചെയ്യുന്നത്.അതിനു ശേഷം, പ്രിയങ്കഗാന്ധിയുടെ നിലപാടിൽ അതൃപ്തി രേഖപ്പെടുത്തിക്കൊണ്ട് മുസ്ലീം ലീഗ് നേതാക്കൾ രംഗത്തുവന്നിരുന്നു
Discussion about this post